الدرس التاسع عشر smart object فيديو

Smart Objects اول ظهور لها كان فى Photoshop CS2 واستمرت فى الاصدارات التى تبعتها. من أسم الأداة يتضح لك انها تدل على عنصر زكى, وهو ما ستتأكد منه بمجرد تجربتك لهذه الاداة.


ببساطه تخيل انك تستطيع ان تضع layer داخل التصميم و يمكنك استبداله او التعديل عليه مهما نسخت منه فى التصميم. او انك قمت بعمل تصميم و به اكثر من smart objects و قمت بعد ان انتهيت من التصميم بإكتشاف خطأ او تعديل, هل ستقوم بعمل تعديلات على كل ملف ؟
لا, هنا يظهر استخدام Smart Object فستتمكن من فتحه كملف مستقل, و التعديل عليه كما تريد و بمجرد حفظك للملف سيتحول كل الملفات Smart Objects التى قمت بنسخها منه بإجراء نفس التعديلات التى قمت بعملها, مهما كانت وضعها او حجمها او التأثيرات التى توجد بها.
سيمكنك معرفة كيفية الوصول Smart Objects و كيفية إنشائها من خلال الفيديو و الشرح العملى.
ستتمكن من معرفة كيفية تحويل layer او شفافه عادية إلى Smart Object.
ستعرف كيف يمكنك إدراج الملفات سواء الصور او التصميمات داخل ملف Smart Object.
وهذه هى الامثلة التى قمنا بالعمل عليها:




وهذا ما توصلنا إليه فى النهايه



final cards template



تعليقات

‏قال غير معرف…
welcome back أستاذ ياسر أنا متابعه معاكم الشرح الجميل ده من قريب والحمد لله إستفد منك كتير جدااا
وحبيت أشكرك على المجهود الرائع ده
جزاااااااك الله خير
‏قال غير معرف…
جزاكم الله خيرا
بس عندي سؤال .... الفوتوشوب اللي حضرتك بتشرحو اي اصدار ونسختو ايه
ممكن تساعدني عشان الفوتوشوب اللي عندي مافيهوش حجات كتير من اللي قلت عليها او معقد بشكل كبير وصعب على المبتدئين فياريت تساعدني وتديني رابط عشان احمل منو الاصدار ده او تدلني عليه وبارك الله فيك
على المجهود القيم
‏قال amin
الصراحة انا جدا معجب بهذه المدونة
فعلا تحتوي على دروس رائعة
الله يوفقك يارجل
‏قال Unknown
السلام عليكم
تحياتى ليك يا استاذنا الكبير
اشكرك جدا على اجاتك على سؤالى فى الدرس السابق بخصوص مجالات عمل الفوتوشوب بس فى حاجه بسيطة بس ممكن تكون ملخبطه ناس كتير
انا لاحظت ان فى ناس كتير مسطبة على الاجهزة بتاعتها الفوتوشوب7 وحضرتك بتشرح على ال10 وفى اختلافات كتير بينهم زى اداة السليكشن تول وزى الريفين ايدج وزى الكاريكتير كل ده موجود فى ال10 ومش موجود فى ال7 او ممكن يكون موجود واحنا مش عارفين اذاى نستخدمه لان انا حاولت انزل بعض الدروس فى الدعاية والاعلان وفهمت شغل الدعاية كويس جدا واضربت انى اذاى اعمل التصميم الدعائى فى اقل وقت ممكن ،وبقيت كويس فية وروحت واتعملى اختبار فى احدى مكاتب الدعاية الكبيرة اكتشفت ان كل مكاتب العاية والاعلان شغاله بالفوتوشوب ال7 وانا كنت بدرب على ال10 واتوترت لما لقيت فيه اختلافات وفشلت .
يا ريت حضرتك تشوف الموضوع ده وانا اسف للاطاله
تلميذك النجيب مصطفى محمود
‏قال somamb…
الف مبروك علي الدرس الجديد
يارب من جديد لجديد
تلميذتك
‏قال غير معرف…
في الأول وحشتنا دروسك اوي اوي اوي ياياسر ,,
والدرس ده كتير حلو ومفيد اكيد ,,
وانا اول مرة اعرفه بصراحة ,,
حسيت انه متعقد شوية ,,بس بسلامة شرحك الهايل مافيش حاجة هتبقا متعقدة ابداً ,,
وان شاء الله هجربه ,,

وياريت مش تطول الغيبة ,,


سوما ~
‏قال غير معرف…
أستاذ ياسر عندى سؤال كنت عايزه أسأل حضرتك فيه هو بعيد عن الدرس شويه
لما اجى افتح صورتين على الفوتوشوب مثلا
وأجى أشتغل ف واحده منهم الير او الطبقه بتاعتها تختفى والاقى الير بتاع اللى بشتغل فيها بس مش عارفه اخلى اليرين موجودين ازاى ..
هوضح لحضرتك اكتر يعنى لو عايزه ادخل صوره فى نص لازم يكون الير بتاع الصوره والير بتاع النص موجودين انما عندى بيظهر الير بتاع واحد منهم بس
فممكن تقولى على حل
وأسفه للإطاله
شكرااا
‏قال غير معرف…
انا فهمت قصدك اظن ,,

ماهوا انتي لازم تسحبي الصورة الأولى للصورة التانية ,, بأدة الموف تول ,, > السهم <

عشان يبقو طبقتين فوق بعض ,,
وبعدها هتقدري تدخلي الصورة التانية جوا نص الكلام ,,

العملية كلها متوقفة لما انتي بتفتحي الصورتين ,,

بتسحبي واحدة منهم للتانية ,, مش اكتر ,,

وان شاء الله يكون ده الجواب المفيد ,,

وسوري للمداخلة ,,
‏قال غير معرف…
السلام عليكم ورحمة الله وبركاته
انا عايز اطلب منك طلب بس خايف تزعل من كلامي استاذي .....
ارجوك ما تزعلش
انا هدل ناس على المدونة دي لانهم محتاجين أوي الدروس دي وحضرتك ماشاء الله شرحك ما فيش بعدو..
طلبي هو لما تشرح الدروس على صور معينة ارجو انك تتفادى صور النساء لان فيه ناس مش بتحب الحكاية دي وحضرتك فاهم السبب .....وعشان كل فئات المجتمع تقدر تتابع معاك من غير تعثر ...
ارجو فعلا ان كلامي ما يضايقكش وجزاك الله خيرا الجزاء على مجهوداتك وعلى حرصك على المساعدة والافادة للجميع
‏قال حسين…
عايز اقولك جزاك الله الف خير يارب دايما من درس لدرس ومن نجاح لنجاح ويارب تنول اى خير تريده واسئل لك الله احسن الخير وهى الجنة ,انا بس كنت عايز اشكرك يا احسن استاذ اسمه ياسر فى الدنيا وبشكر كل العاملين فى المدونة وحفظهم الله وسددهم ... تلميذك الى عمره ما شافك
السلام عليكم ورحمة الله وبركاته
انا اكتشفت المدونة دي من قريب ومتابعة معاكم وبصراحة انا معجبة جدا بالمدونة دي ..وباشكرك على الشرح الرائع..وربنا ييسر امورك كلها زي ما بتيسر للناس..وينفع بيك ويسدد خطاك
انا نشرت مواضيع في منتديات اتكلمت فيها عن المدونة دي ولسا متابعة النشر باذن الله عشان الكل يستفيد ...
يعني بكرا هتبقا زحمة هنا..
ربنا يوفقك استاذي الكريم
‏قال غير معرف…
ازيك ياعمو ياسر انا رنا, كنت عايزة أسأل حضرتك على شرح برنامج MICROSOFT EXPRESSION WEB 2 انا نزلت البرنامج كامل بس محتاجة شرح ليه بالعربى , اذا كان ممكن اعطائى لينك لشرحه بالعربى لانى محتاجاه ضرورى لتصميم موقع خاص بالمدرسة وممكن اللينك ترسله ل ايميل دى.ليلا . ميرسى ليك ياعمو ,, رنا
اللهم بااارك

أنا شوفت مدونتك قدراً وانا ببحث في جوجل عن تعليم الموفي ميكر

بجد ربنا يكرمك ودخلت الدرس هنا

http://ana-3rby.blogspot.com/2009/02/windows-movie-maker.html
واستفدت جدا جدا

وان شاء الله هفضل متابعة لدروسك لانك فعلا بتشرح بطريقة ممتازة


وده زكاة لعلمك برده
‏قال غير معرف…
انا فهمت قصدك اظن ,,

ماهوا انتي لازم تسحبي الصورة الأولى للصورة التانية ,, بأدة الموف تول ,, > السهم <

عشان يبقو طبقتين فوق بعض ,,
وبعدها هتقدري تدخلي الصورة التانية جوا نص الكلام ,,

العملية كلها متوقفة لما انتي بتفتحي الصورتين ,,

بتسحبي واحدة منهم للتانية ,, مش اكتر ,,

وان شاء الله يكون ده الجواب المفيد ,,

وسوري للمداخلة ,,

شكرااا لمداخله حضرتك جدااا
انا جربت اللى حضرتك قولت عليه
بس المشكله ان الصوره لما بسحبها
بدارى الكتابه خالص
ومش بتبان
شكراا لمداخله حضرتك
‏قال Yasser Abo El Ella

@غير معرف
الله يسلمك, و متشكر على تعليقك.
@غير معرف
الفوتوشوب اللى بشرح عليه هو:
Photoshop CS3 Extended
وتقدر تلاقيه على جوجل فى منتديات كتير حاطاه زى منتدى ثوره الفوتوشوب مثلاً, و انا مش هاقدر احط لينكات للنسخه لأن دى ضد قوانين جوجل.

@amin
متشكر يا امين و ربنا يكرم الجميع.

@aa200074
مرحبا مصطفى, المكاتب اللى بتبقى عندها فوتوشوب7 دا لأنه ارخص بكتير من ترخيص الفوتوشوب 10 او 11, و دا طبعاً عيب فيهم مش فيك. لأنك المفروض تبقى عارف اخر حاجه حديثه موجوده. و لما تروح شركه يبقى افضل لما تاخد شغلك معاك و صدقنى الحاجات الاساسيه بتبقى واحده فى كله, وما تتوترش ولا حاجه وربنا يوفقك.

@somamb
الله يبارك فيكى.

@سوما
smart object جميل جداً و هايفيدك كتير, و انا متأكد انك مش هاتلاقيه صعب بمجرد تجربتك ليه. و ان شاء الله مش هاطول فى الدروس هى بس ظروف العمل حالياً.

@غير معرف

شكرااا لمداخله حضرتك جدااا
انا جربت اللى حضرتك قولت عليه
بس المشكله ان الصوره لما بسحبها
بدارى الكتابه خالص
ومش بتبان
شكراا لمداخله حضرتك

بصى حكاية ان لير يدارى لير تانى, دا بيبقى لأن اللير الموجود فوق بيبقى واخد مساحه التصميم كلها بخلفيه. و الحل انك تخلى لير الكلام او اللير التانى اللى عايزاه فوقيه تحركيه فوق اللير الموجود, من خلال نافذه الليرات اللى بتبقى موجوده على اليمين تحت.

@غير معرف
مفيش اى داع للإسف للمداخله و شكراً لإضافتك و محاولتك للشرح. تسلم إيدك

@غير معرف
هاحاول حاضر اتفادى الصور وان شاء الله الفوتوشوب قرب يخلص فمش هايبقى فى صور الا للبرامج القادمه. و مفيش اى مضايقه من كلامك.

@حسين
متشكر يا حسين على كلامك, وربنا ينول الجميع كل اللى يتمنوه. وان شاء الله هاتشوفنى قريباً.

@ندى
متشكر يا ندى على تعليقك و مساعدتك للمدونة عن طريق نشرها.

@رنا
اهلاً بيكى يا رنا ازايك ؟
البرنامج للأسف مش لاقيله اى شرح عربى خالص, فى كتاب للشرح بتاعه و تقدرى تلاقيه على اللينك دى:
http://www.algrabiya.net/vb/t10471.html#post24227
بس انا انصحك انك تجربى تعملى سيرش على اليوتيوب و تشوفى حتى الشرح الانجليزى ليه هاتلاقيها اسهل من انك تدورى على شرح كتابةً

@عاشقة الفردوس
اهلاً بيكى فى المدونة و ان شاء الله دائماً تستفيدى من الدروس.

تحياتى للجميع.

‏قال غير معرف…
ازيك يا عمو ياسر انا رنا

انا لغيت حكاية عمل الموقع بالاكسبرشن عرفت انه ينفع بالفرونت بيج ممكن تساعدنى فى شرح للبرنامج
‏قال غير معرف…
الف شكر استاذ ياسر و جعله الله فى ميزان حسناتك

المشاركات الشائعة