كورس أى سى دى إل - ICDL بشرح فيديو

كورس أى سى دى ال بدروس فيديو
أنا من فتره عمال بفكر فى سلسله دروس جديده.

أحنا اتعلمنا فى الدروس اللى فاتت حاجات اساسيه و أعتقد أن اللى أتفرج عليهم بيقدر دلوقتى يعمل ايميل و يقدر يتصفح المواقع بسهوله و يسر, من الدرس دا أحنا هانحاول نكون كويسين فى إستعمال الكمبيوتر و الانترنت سوا بمعنى, إنى قررت إنى أشرح دورات ICDL وأكيد كل واحد سمع عنها او حتى ممكن فى ناس أخدت كورسات فيها وأنا هنا هاشرح للناس اللى معندهاش وقت فاضي تروح فيه كورسات او مش طالبه معاهم ياخدو كورس , أحنا هنا هانشرحها فيديو و هابسطها على قد ما ققدر بس أدعولى يبقى وقتى كويس علشان ققدر أحط دروس مكثفه علشان ال ICDL كبيره و بتاخد وقت و لو قدرنا اننا نخليها تكتمل هاتبقى مفيده للمستخدم العربى فى مجال الانترنت و الكمبيوتر و اللى أصبحوا مطلوبين فى أى مكان دلوقتى .
وبدل ما تاخد كورس و تقرف نفسك أنت ممكن تتفرج على الفيديوهات هنا وتطبق على الشرح و إن شاء الله تعدى الامتحانات بسهوله وتاخد الشهاده من غير ما تدفع الا هو تمن دخول الاختبار يعنى هاتوفر وقتك و فلوسك برده و مش خسران حاجه و اللى عايز يستفسر عن حاجه يقدر يسأل عليها فى التعليقات.

أول حاجه لازم نعرفها, إيه معنى ال ICDL ??

International Computer Drive License

شهاده أى سى دى ال بمعنى الرخصة الدولية لقيادة الكمبيوتر وبتبقى معترف بيها فى كل بلاد العالم.

يمكنك الأختيار من اى من المواد التاليه بالضغط عليها, لتشاهد كل دروس الكورس.

الماده 1 :مفاهيم تقنيه المعلومات.

المادة 2 : استخدام الكمبيوتر والتعامل مع الملفات - الويندوز .

المادة 3 : معالجة النصوص - وورد .

المادة 4 : جداول البيانات - أكسل .

المادة 5 : قواعد البيانات - أكسس .

المادة 6 : العروض التقديمية - باور بوينت .

المادة7 : المعلومات وتكنولوجيا الاتصالات - الانترنت .

الفكره دى كانت من واحد إسمه هانى وهو أسكندرانى جدع جدا, و هو اللى أقترحها عليا شكرا
يا هانى نيابه عن الناس اللى هاتستفاد.

أنا عارف إن الدروس قليله بس اعذرونى لأنى شغال فى المدونه لوحدى وعارفين بقى الكسل بتاع الواحد فى الصيف :) بس انتظروا حاجه كويسه فى الشرح و النقاء .
الدروس اللى فاتت كنت بحاول ققل حجمها لأنها صغيره و ممكن تتفهم مع نقاء مش قد كده .
الدروس اللى جايه انا هاخلى نقائها عالى بس مساحتها هاتبقى كبيره ودى هايخليها تاخد وقت عقبال ما تحمل بس هاتفرق جدا لما تشوفوا الشاشه باينه و الشرح عليها باين برده .

و الدروس مش هاتبقى فيديو بس ,هاتبقى برده فيها جزء كتابى عن الكورس و اهم البيانات و الاوامر المطلوب معرفتها .
كورس الICDL جميل و سهل انا عن نفسى اتخضيت من الاسم زمان اول ما سمعت عنها بس لما عرفتها و عرفت دروسها لقيتها سهله جدا مش زى ما كل الناس معتقده,وصدقونى يا جماعه الحاجات دى بتفرق كتير لفهمك للكمبيوتر ككل لأنك من كتر ما بيعدى عليك برامج بتحفظ أشكال مختله و أستخدامك بيزيد يوم عن يوم للكمبيوتر دا فى مصلحتك .
نفترض انك واحد صاحب شركه كبيره و بتعمل مقابله مع 2 عايزين يشتغلوا محاسبين او اى شغلانه ,و الاتنين نفس الشهاده و معاهم نفس الخبره بس واحد كاتب فى السى فى بتاعه ان معاه كورس ال أى سى دى ال ICDL إنت نفسك حتى لو مش عارف ايه هى ال أى سى دى ال ICDL هاتحس انه احسن من التانى إذن دى حاجه تميزنى فى مجال عملى, مش هاطول عليكم فى فوايد الكورسات لأنى متأكد انكم لو مش عارفين مكنتوش دورتم اساسا عليها ولا اهتميتم بالمدونه.

وشكرا

تعليقات

‏قال غير معرف…
اولا فكرة ممتازة جدا والشرح ممتاز وياريت شرح كمان للصور والجداول
‏قال غير معرف…
انا متشكر جدا لان تقريبا كل اللي انا عايزه او بطلبه موجود في المدونة
‏قال Yasser Abo El Ella
والله ياأحمد انت كلامك مش عارف أرد عليك ققولك ايه.
ويارب علطول كده الناس تستفاد و بكره تعلمونا حاجات انتم جامدين فيها أكيد كل واحد كويس فى حاجه و ممكن يشرحها للناس بطريقه سهله و الناس تستفاد.
أنا متشكر لذوقك
‏قال غير معرف…
انا بشكرك يا ياسر وانا خلاص بدون من عالميتاكاف ويمكن اقل واجب اقدر اقدمه للمدونة ان انا انشر اسم المدونة للمهتمين بدراسة الاي سي دي ال
وهو ده فعلا اللي انا بعمله وربنا يعينكوا لأن انا اذا كنت بفهم من الكورس بنسبة40%بوصل لحوالي 90% من الفهم عن طريق المدونة
‏قال Yasser Abo El Ella
أحمد باشا انا بشكرك كتير على كلامك لتانى مره واللى مش عارف ارد عليه بأيه
الدروس الموجوده على المدونه هى اللى انا شرحتها لحد دلوقتى وان شاء الله فى الفتره اللى جايه هاشرح الدروس الباقيه لأن الكورس كبير و انا علشان ققدر ارفع الفيديوهات محكوم بوقت لكل فيديو ودى بتبقى شروط الموقع اللى برفع عليه الفديوهات و برده مش عايز اشرح بسرعه علشان الناس تفهم كويس
أنا سعيد جدا لأنك بتفهم منى فى الشرح وربنا يسهل و ققدر اخلص الكورس كله
على خير
‏قال غير معرف…
باش مهندس ياسر انا ليا طلب شخصي ممكن رقم موبايلك انا بجد متأسف ان انا ببعتلك من على الموقع لأن ايميلك عالياهو مع النسخة الجديدة مش واضح بيظهر لاتيني شكرا اخوك احمد شاهين
‏قال غير معرف…
شرح ممتاز جدا لأن اللي بيشرح عبقري
‏قال Yasser Abo El Ella
أبو حميد أنا بعتلك على الياهوو, معرفش اذا كنت شوفته ولا لسه بس عموما دا ايميلى على الياهوو:
all_ofall@yahoo.com
‏قال غير معرف…
يارب يكون هذا العمل خالص لوجه الله سبحانه وتعالى
‏قال Yasser Abo El Ella
شكراً noga على التعليق
‏قال غير معرف…
بسم الله ما شاء الله هذه فكره رائعه يابشهندس أحمد وفي ناس كتير هتستافيد أنا إستفدت من دروسك كتير وبإذن الله هبقي متواجد معاك دايماً مشكور علي المجهود وللأمام
دايماً أمين يارب العالمين
‏قال غير معرف…
جزاك الله خير الجزاء
‏قال غير معرف…
طبعا انا عاجز عن الشكر ... مجهود ضخم

keep Going yasser

ابقى كلمنى عايز اطمن عليك يا معلم

soon plz
‏قال Yasser Abo El Ella
شكراً على التعليق ياريس و المدونة تنور بوجودك إن شاء الله, ليا ملحوظة صغيره بس أنا اسمى ياسر مش أحمد :)
وشكراً يا غالى على تعليقك و ربنا يكرم الجميع.
‏قال Yasser Abo El Ella
شكراً يا محمد و إن شاء الله فى دروس مستمرة و تقدر تشترك فى خدمة الإيميلات بالمدونة علشان توصلك الدروس بالايميل. وانا كويس الحمد لله و متواجد على الياهوو على قد ما ققدر و ان شاء الله نتكلم.
‏قال عمرو كينج
سوري ياباشمهندس ياسر أنا غلط في الإسم ياريس أنا بعتلك إضافه علي الياهو وإنت قبلتها بإسم عمرو كينج والتوقيت إللي بدخل فيه الياهو بتكون إنت قافل وأنا كنت عايز أستفسر عن حاجه في الموفي ميكر أنا عرفت إزاي أعمل الصور فيديو كليب وأركب عليه أي أغنيه لكن عايز أعرف إزاي أصور أي شئ أنا عايز أعمله زي ما حضرتك عامل الفيديوهات دي كده علشان أعرفها علي الميتاكاف أو اليوتيب علشان الناس تستفيد وشكراًأنا حبيب أبعت أستفساري علي المدونه علشان الناس إللي ميعرفوش
‏قال Yasser Abo El Ella
@ عمرو كينج
لو تقصد تسجيل سطح المكتب دا بيتسجل ببرنامج اسمة
Super Screen
ودا برنامج خاص بتسجيل سطح المكتب فقط, و يقوم بحفظ النتيجة بصيغة فيديوAvi
والتى يمكنك وضعها فى الموفى ميكر بسهولة.
‏قال mosadkhalil
اخىالحبيب المدونة رائعة جداااااااااااااا وشرحك فوق الرائع ربنا معاك الى ماهو خير للكل
‏قال mosadkhalil
ارجو شرح الماكرو فى الورد واذا كان موجود اخبرنى فى اى درس وشكراااااااااااا
‏قال Yasser Abo El Ella
@ مسعد
أنا شاكر ليك تعليقك, و ربنا مع الجميع ويوفق الجميع. و ان شاء الله لو فى وقت هاحاول اشرح الماكرو.
‏قال true
السلام عليكم
ربنا يجزاك خير يا استاذ ياسر
على مجهودك

انا كنت عاوز اسال عن الامتحانات وازى احلها لانى حادخل امتحانات الشهاده

وبتمنى منك انك تعلمنا ازاى بتيجى الامتحانات وازاى نحلها

وياريت لو تقدر فى اقرب وقت ممكن
true_friend_48@yahoo.com
‏قال Yasser Abo El Ella
@true
العفو, و متشكر على تعليقاتك, و بخصوص الأمتحانات بتيجى إذاى الامتحانات بتتجدد كل فتره علشان كده مقدرش اربط الناس بنموذج واحد بس و يعتمدوا عليه, بس تقدر تعمل بحث فى جوجل عن " أمتحانات ICDL وإجابتها"
وهاتلاقى كتير جداً و غير بعض. و اتدرب عليها و هى عموماً بتبقى سهلة ما تقلقش و بالتوفيق.
‏قال Mohamed Mohsen
بجد ما شاء الله عليك .. مجهودك رائع
و انا بستأذنك تعتبرنى صديق المدونه
انا محمد محسن 24 سنه و بشتغل مدرب برامج حاسب آلى : برامج اوفيس - ICDL - صيانه حواسب شحصيه
فإن كان حد محتاج مساعده انا معاك .. بس اعذرنى لان وقتى ديق جدا .. يادوب بكون فاضى الجمعه من كل اسبوع
‏قال Yasser Abo El Ella
@أ / محمد محسن
أهلاً بك و بالتأكيد يشرفنى أن تكون صديق للمدونة. و يسعدنى تعليقاتك.
ودي و تقديري
السلام عليكم

مدونه رائعه ومفيده جزاك الله كل خير
ولقد وضعت رابط لكورس أى سى دى إل
بمدونتى العماليه المتواضعه لأهميه الكورس لى ولمتابعينى
وكى تعم الفائده

ودمت بخير
‏قال Yasser Abo El Ella
@واحد من العمال
أنا متشكر على أهتمامك بالكورس و استضافة لينك المدونة عندك. ودا شيء يشرفنى بلا شك.
ودي و تقديري
‏قال غير معرف…
شكرا خالص خالص على الشرح الجميل ده بجد انت عبقرى وقدرت تخلينا نفهم كل حاجة منك بسهولة لكن معلش انا عندى سؤال هى الفيديوهات دى هى نفسها دروس ال اى سى دى ال كلها يعنى مفيش حاجة ناقصة منيها فى الدورة .اصلى انا خايف ادخل الامتحان واتفاجأ بأسئلة تكون انت ما شرحتهاش قبل كده .انا منتظر منك الرد السريع والصريح وشكرا
‏قال dodo…
انت بجد عبقرى يا ياسر وجزالك الله خير يا ريت تقبلنى عندك على الاميل لانى عندى اسئلة كتير
‏قال Yasser Abo El Ella
@غير معرف
الله يكرمك دا بس من ذوقك.
بخصوص الامتحانات, ادخل و لا تخاف. ان شاء الله الشرح شامل كل المنهج بتاع الاى سى دى ال.

@dodo
متشكر لكلامك, و قبلت اضافتك على الايميل.

تحياتى للجميع
‏قال enas…
السلام عليكم
أولا:كل سنه وحضرتك بخير بمناسبة شهر رمضان
ثانيا:شكرا كتييير لحضرتك على الشرح الجميل ده
ثالثا:حضرتك بتبقى موجود على الياهو امتى؟ لانى الفترة اللى جايه هدخل امتحان الاى سى دى ال واكيد هحتاج لحضرتك كتير
جزاك الله خيرا
‏قال Yasser Abo El Ella
@enas
وانتى طيبه, انا ببقى موجود الصبح على النت. و ان شاء الله تجتازى الامتحانات بسهوله و بنجاح.

تحياتى
‏قال Chemist_Mody…
بص ياياسر انا لو فضلت اشكر فيك للسنه اللي جايه مش هوفيك حقك انت بجد وفرت علينا حاجات كتير وده طبعا هيحملك مسؤليه كبيرة بس بقولها بالفم المليان انت قدها وخد بالك شهرة المدونه وشرح الكورس وصل لألاف الناس بس انا عايز اسألك سؤال صغير خالص اعتمد علي ربنا وعليك في الشرح ده واروح امتحن الكورس علي طول ولا فيه حاجات ناقصه لسه؟ولو فيه ازود معلوماتي عنها منين؟
وفي النهايه تقبل تحيتي وربنا يكرمك ياياسر ياللي مشرف مصر والعرب
‏قال Yasser Abo El Ella

@Chemist_Mody
ياسيدى ولا شكر ولا حاجه مش مستاهله اوى كده, وان شاء الله الامتحان مش هايخرج من الشرح دا. بس زى اى حاجه فى الدنيا زى ما فى شرح فى تطبيقات و اسئلة. فلازم تدور على امتحانات اى سى دى ال سابقه و تحلها و تشوف الاسئلة بتاعتها بتتحل ازاى. و دى هاتفرق معاك كتير اكيد.
وياريت لما تنجح ان شاء الله تبقى تكتب تعليق تقول ايه الاخبار.
وما تنساناش بأى حاجه ساقعه بقى انا و الناس اللى هنا دى كلها.
‏قال Chemist_Mody…
ياعم ياسر انت تؤمر ربنا يسهل ان شاء الله وننجح بس فيه سؤال:هو انا لازم احفظ الاختصارات يعني الضمه والفتحه وكده اصلي شايف انهم كتير اووووي؟
وياريت بردوا تكتبلنا معلومات عنك يعني عندك كام سنه ومنين وبتدرس ايه وايه اهدافك المرحله اللي جايه؟
وادينا علي اتصال مع بعض
اخوك محمود
‏قال Yasser Abo El Ella
@Chemist_Mody
ان شاء الله تنجح يا محمود, والاختصارات ما تحفظش منها اى حاجه انا بس حاططها لزيادة معلومات مش اكتر .

تحياتى
‏قال Unknown
ربنا يجزيكم خير عن كل اللى ينجح فى الاى سى دى ال
ونتمنتى المزيد
انا بنزل الفيدوهات وهذاكر منها ان شاء الله
شكرا ليكم
‏قال Chemist_Mody…
ولو انه تعليق غريب شوية بس انت ليك الفضل انك انت اللي عرفتنا علي البرنامج دهsuper screen انا نزلته واتعاملت معاه بس عايز سريال له ومش لاقي خالص لو فيها رزاله ممكن تعرفني اي اصدار عندك من البرنامج ده واكيد انت عندك السريال بتاعه
وتحياتي لك يا ياسر وكل سنه وانت طيب
‏قال Yasser Abo El Ella
@Mony
بالنجاح ان شاء الله.

@Chemist_Mody
ضيفنى على الايميل او ابعتلى إيميل علشان اعرف ايميلك.

تحياتى للجميع
‏قال غير معرف…
بص يا استاذ ياسر باختصارانا مش هشكرك لانى انا مش عايزك تاخد حقك فى الدنيا انشاء الله العمل العظيم ده ربنا يجعلو فى ميزان حسناتك انهو ولى ذلك والقادر عليه اما بالنسبه للشرح فهو فوق الممتاز وطريقه محترمه من انسان محترم واتمنى انى اتشرف بمعرفتك الرجاء اضافتى لانى عندى كلام كتير محتاج اقولو وشكرا جزاك الله كل الخير انت ومن ساعدك على فعل ذلك ahmedelmohmedy@yahoo.com
‏قال Yasser Abo El Ella
@ غير معرف
اهلاً بك, و متشكر على تعليقك. و لكنى اعاتب عليك وضع هاتفك الذى لا اجد اى مبرر لوضعه فى تعليق بالمدونة, و لذلك قمت بإزالة التعليق عندما قرأته.
الدروس كلها متاحه إذا قمت بالنقر على اسم الدرس بالتريب التنازلى
وهذا هو لينك الدرس الذى تبحث عنه
الوورد الدرس الثالث:
http://ana-3rby.blogspot.com/2008/07/blog-post.html
تحياتى
‏قال احمدالمحمدى…
ابجد انا متشكر انك شلت رقم الموبايل لانى بجد انا ماختش بالى ومش عارف ازاى انا حطيته الف الف شكر يا استاذ ياسر وانا اتمنى انك تضيفنى ahmedelmohmedy@yahoo.com وشكرااااااااااا وجزاك الله خير
‏قال غير معرف…
الله يعطيك العافية بس لو يكون الشرح على شاشة عربية يكون احلى
‏قال غير معرف…
نبي نتعبك شوي اتمنى انك تعيد كل شي على شاشة عربية والله يعطيك الف عافية اتمنى اخذ الموضوع بجدية
‏قال غير معرف…
ياسر ممكن لو سمحت تعطينى لينكات دروس الورد الرابع والخامس والسادس ومتشكر جدااااااااااااوربنا يخليك
‏قال غير معرف…
استاذ ياسر انا ناوى استعين بالله ثم بحضرتك فى تعليمى الفوتو شوب بكل مايشمل لاحتياجى اليه فى العمل فدلنى من اى ن ابدا علما بانى لا يوجد عندى اصلا برنامج الفوتوشب دلنى دلك الله الى الطريق الصواب وحماك من نفسك ومن سوء خلقه وهداك الى الصراط المستقيم امين يارب العالمين
‏قال مهاب السكره…
سيادتك اكيد تعبت كتير في ICDL لكن كفايه انها حاجه باقيه لسنين كل اللي بيستفيد منها بيدعيلك كتييير
انا حصلت علي الدوره من اسبوع علي فكره
thank you
‏قال مهاب السكره…
انا اسف بس ممكن اطلب من سيادتكم طلب:
عاوزك تدلني علي موقع يكون فيه شرح لمن يريد التخصص في الاكسيل بشكل جامد وشكراااااااا
‏قال Yasser Abo El Ella
@غير معرف
مقدرش اوعدك بحاجه زى كده لأنها محتاجه وقت وانا بالفعل شرحتها فمعتقدش انى هاشرحها تانى على الواجهه العربية. و انا شرحتها على واجهه انجليزيه لأنها هاتبقى المشكله لأى واحد ما بيعرفش انجليزى لكن العربى اعتقد انه مش محتاج شرح.
تحياتى

@غير معرف
هاتلاقى بالفعل فى المدونة دروس للفوتوشوب و هاتلاقيها مترتبه, تابعها من اول درس و ان شاء الله هاتفرق معاك كتير و هاتعرف حاجات كتير فى الفوتوشوب.

@مهاب السكره
متشكر يا مهاب دا بس من ذوقك, المهم تكون حاجات مفيده.و مبروك على الشهاده.
بخصوص دروس متخصصه فى الاكسيل فأنصحك بالبحث على جوجل لأن كل يوم هناك جديد ولا تحصر نفسك فى مكان واحد او موقع واحد.

تحياتى للجميع
‏قال سلوى
ربنا يوفقك
وجزيت كل الخير عن ما تقدمه
‏قال غير معرف…
يا اخى
مش قادرة الاقى كلمة توافيك جهدك اكتر من ربنا يجعلها فى ميزان حسناتك يوم الدين لانى عندى فيه امتحان ومكنتش عارفة هعمل ايه.
بارك الله فيكم
‏قال Yasser Abo El Ella
@سلوى
متشكر على تعليقك و ربنا يكرم الجميع.

@غير معرف
متشكر على كلامك, و بالتوفيق فى الامتحانات.

تحياتى
‏قال غير معرف…
الله يجزاك عنا الف خير يارب ويفتح ابواب الخير كلها بوجهك و مجهود جبار ورائع انك تحاول تساعد اخوانك واخواتك العرب بعلمك وفعلا انتا عربي تقبل مروري ياباشا :)
‏قال غير معرف…
تسلم يا غالي على الموضوع و على المجهوووود الكبير اللي عملتو ,, وفقك الله دايما في حياتك و كل واحد بيعلم منك بقولو يدعيلك ,, ربنا يحققلك هدفك
‏قال ehab_alaa237
بسم الله الرحمن الرحيم:استاذى الفاضل استاذ ياسر بارك الله فيك ونفعك بما علمك وجعله دومآ فى ميزان حسناتك فبكل ما تحمل الكلمه من شكر فهذا شكرى لك وهذا لايكفيك حقك ولاكن جزاك الله خيرآ على ماقدمت فانا مقيم بدهب جنوب سيناء وليس عندنا دورات هنا وماقدمته يغنى عن كل الدورات فاكرر شكرى.وذادك الله علما ونفع بك الامه
وياريت تشرفنا فى دهب نعمل الواجب مع حضرتك اخوك ايهاب ehab_alaa237@yahoo.com
‏قال غير معرف…
نشكركم علي هذا المجهود الرائع ولكن لانعرف كلمة المرور الخاصة بالتحميل لهذه النخبةالممتازة من الشرح لدورةicdl نرجو وضع كلمة المرور ،،،،، ولكم جزيل الشكر والعافية،،،،،،،، اخوكم
مصطفي الطوباري
‏قال abdelfatah koryem
bgd gamed gdn ia yasser shokran bgd
‏قال غير معرف…
السلام عليكم ورحمة الله انا عايز اسال سوال لو سمحتو هل الدروس واللشغل الى بيتعمل ده بجد ولا ايه وعل ينفع استفاد بيه ويا ريت حد يرد عليا
‏قال gamal eprahim
ما الهدف من نشر إعلان * معرفة الله -مقابلة معالله *
‏قال Yasser Abo El Ella
@gamal eprahim
كما تفضلت و قلت ( اعلان ) و ليس للموقع اى علاقة بما يتم الاعلان على صفحاته من موقع جوجل, ولكل بلد اعلانات مختلفة, و لذلك لا ارى نفس الاعلانات التى يراها الجميع.
ولذلك لا توجد اى علاقة للموقع بالاعلان رداً على سؤالك.
تحياتي
‏قال غير معرف…
كتر الف الف الف خيرك وربنا يبارك فيك
‏قال غير معرف…
مشكور من فضللك شرح الميل مارج لانى سقط مرتيين فى الوورد بسببهاجو الررد لانى ندى متحان ماذافعل
‏قال غير معرف…
بجد ربنا يعينه اللى بيشرح بيقدر يوصل المعلومة بكل سهولة ونتمنى اننا نستفاد منه فى حجات كتير لانه ممتاز
‏قال غير معرف…
السلام عليكم ورحمه الله
مجهود رائع استاذ ياسر
بجد ان ماكنتش عارفه حاجه فى الكمبيوتر والانترنت خالص وبفضل الله وبدروس حضرتك فى المدونه تقدمت كتير ارجو المداومه فى الدروس والمساعده

جعله الله فى ميزان حسناتك
‏قال alshaimaaa
جزاك الله اخي خيرا على هذا الجهد الذي لايقدر بثمن والله انا اول مرة اشوفه وفرحت ان في حد عربي عامل مثل هذا الجهد الذي نحتاج اليه كثيرا شكرا لك
‏قال amro hagag
جزاك لله خيرا فيما تقدمة لنا من كورسات ويجعل الله هذا العلم نورا لك يوم القيامة
‏قال غير معرف…
أزال أحد مشرفي المدونة هذا التعليق.
‏قال غير معرف…
الله يرحم والديك ويجعله فى ميزان حسناتك (خيركم من تعلم العلم وعلمه)هذامعنا من حديث سيد الخلق فيما معناه
‏قال عبدالله دسوقى…
انا الى بعتلك الله يرحم والديك الرحمه فى الدنيا قبل الاخر ان شاء الله اخيك من الاقصر ع د ب م ر ب
‏قال عبدالله دسوقى…
انا عبد الله من الاقصر بالنسبة للفيديو الموجودفى المواد 2 3 4 5 الفيديو الى بالداخل غير مرتب اريد كيفية ترتيبة ارجو منك اعلامى بكيفية ترتيبة الترتيب الصحيح للفديو ولكم جزيل الشكر
‏قال روان
شكرا جداجداجدا على هذا القرص الكامل الجميل الساهل فى الشرح فكرة ممتازة ورائعةمفيش اسهل من كدة
‏قال mr david…
في الحقيقة مجهود رائع ربنا هايكافاك عليه.ممكن اطلب من حضرتك انك تبعتلي كورس الفديو علي الاميل بتاعي اصل سرعة النت عندي ضعيفة. يبقي جزاك الله خير. lokastar3333@yahoo.com
‏قال وعد العيون…
متشكرة اوى ي يا ريس وبجد لنل بستفاد منك وادعيلى عندى امتحان بكرة
‏قال وعد العيون…
متشكرة اوى ي يا ريس وبجد لنل بستفاد منك وادعيلى عندى امتحان بكرة
‏قال غير معرف…
يا ريت يا ياسر مادة الit تبقي انجلش وتحتها ترجمة عربي
‏قال غير معرف…
بجد انت جامد قوي وانا فخور بيك جدا ونفسي تنزل على المدونة برنامج اوتو تست الجديد تبقى بجد ليك الجنة من غير حساب لانك ساعدت الناس بالملايين من غير مبالغة
‏قال غير معرف…
متشكر جدا لحضرتك حضرتك فسرت لينا حاجات كتيره قوي وربنا يجازيك خير ع اللي بتعمله لينا

المشاركات الشائعة