الدرس الثانى فى الفوتوشوب و كيفية تصحيح الألوان بالفيديو Color Adjustment

من أهم ما يميز الفوتوشوب هو إمكانياتة القوية للتعديل فى الصور, سواء بإصلاح بعض العيوب, أو إظهار أجزاء فى الصور كانت مختفية, أو حتى تغيير بعض الألوان و التعديل على الالوان فى الصور و هذا سيكون موضوع هذا الدرس.

الألون من الأشياء الأساسية فى حياتنا, فكما تعرف أن الألوان منها ما هو أساسى, ثانوى, ساخن, بارد. و لكن فى عالم الديجيتال و الكمبيوتر الألوان تأخذ مجرى أخر, بمعنى أن كل الألوان التى تراها فى تصميمات الكمبيوتر هى عملية خلط بين 3 ألوان والتى يطلق عليها RGB وهى الأحمر Red, الأخضر Green, الأزرق Blue. وهى خاصة بالألوان الديجيتال و العالم الرقمي و بالتأكيد برنامج الفوتوشوب. rgb

من خلال الصورة التالية يمكننا مشاهده ال RGB و بخلط هذه الألوان نحصل على الألوان الأخرى. وهى نفس الألوان التى تستخدم فى شاشات التلفاز أيضاً, فكل ما تراه هو عبارة عن خليط بين هذه الألوان الثلاثة التى كما ذكرناها “ الأحمر و الاخضر و الأزرق.

ما يهمنا هو أن نعرف أن هذه الألوان التى نستخدمها فى التصميم و ما تعنى RGB, و هذه الألوان تستخدم فى التصميمات الخاصة بالمواقع أو التصميمات التى تعرض على شاشات الكمبيوتر او حتى التلفاز.

cmyk1أما عن ألوان الطباعة أى الألوان التى تستخدم فى المطبوعات الورقية كالبوسترات, الفلاير, الكروت, و غيرها من المطبوعات التى تمر علينا كل يوم فهى لها نظام ألوان أخر يسمى CMYK و التى هى Cyan السماوي, Magenta الأرجوانى ( بنفسجى), Yellow الأصفر, Black الأسود.

وهى تستعمل كنظرية للطباعة أقوى من RGB, إذا قمت بطباعة تصميم بصورة RGB فستجد ان الطباعة ذات ألوان باهتة و ليس لها روح. ولذلك تستخدم CMYK, و يمكننا مشاهدة الفرق بين الRGB و ال CMYK من خلال فصل الألون عن صورة كالتالية:

200px-Barn_grand_tetons_rgb_separation 200px-CMYK_separation_–_maximum_black

أعرف أنها صعبة الفهم بعض الشيء, و لكنى اريد منك فقط معرفة الألوان الأساسية التى ستعمل عليها لتتمكن من تعديل أى لون تجده غريب فى الصورة او تغيير أى لون زائد على الصورة و اخر مثال لنا هنا عن الألوان و الفرق بينها هو دائرة الألوان.

عجلة الألوان

هذه هى دائرة الالوان او عجلة الألوان كما يطلق عليها, و هى تحتوى على كل الألوان المعروفة, و إذا لاحظنا و جدنا أنها مقسمة إلى درجات و زوايا, ففى الزاوية صفر نجد اللون الأحمر و إذا نظرنا إلى الزاوية 120 وجدنا الأخضر و الزاوية 240 وجدنا الأزرق وها هى RGB امامك و ما بينها عبارة عن خليط بينهم, و إذا قمنا بالبداية بالزاوية 180 سنجد اللون السماوى, الزاوية 60 وهو الأصفر, الزاوية 300 وهو الأرجوانى. و لا تقلق إذا لم تفهم كل ما سبق ولكن احتفظ بصورة لهذه العجلة لأنك إذا وجدت اى لون زائد فى الصورة يمكنك إزالتة بوضع اللون الذى يقابله فى هذه اللوحة لتقلل منه و ستعرف ما اعنيه بعد مشاهده فيديو الشرح.

وهذه هى الصور التى تم الشرح عليها يمكنك تحميلها بالضغط عليها

Citadel Rose Green_apple

سنعرف فى الجزء الأول فى الفيديو كيفية تغيير طرق عرض واجهة الفوتوشوب لأكثر من اعداد و استرجاع الواجهه الإفتراضية بسهولة, كيفية إزالة لون زائد فى صورة معينة و معالجتها بكل سهولة بإستخدام أداة Variations وشرح الألوان الأساسية فى التصميم.

والجزء الثانى سنتعرف على كيفية إسترجاع الصورة لبداية التصميم مهما قمت بتغييرات عليها دون غلقها و اعادة فتحها مره اخرى, كيفية غلق الملفات بالطريقة الصحيحة فى الفوتوشوب والتعرف على أداة Hue/Saturation و كيفية إستعمالها فى تحديد لون و تغييرة.

الجزء الثالث و الأخير سنعرف كيف يمكننا تغيير لون بداخل صورة, وكيف يمكننا تحديد لون بإداة Hue/ Saturation حتى و إن لم تقدر على تحديد اسم اللون, و كيفية تحديد أكثر من لون و تغييرهم معاً.

حمل الدرس

الجزء الأول

الجزء الثانى

الجزء الثالث

تعليقات

‏قال خالد…
الله عليك يا ياسر فعلا درس جميل .... والاجمل انك مرفق الصور اللى انت اشتغلت عليها يعنى مش مخلى حد محتاج حاجة ههههه
ربنا يوفقك يارب وجزيك خير

بس لى رجاء عندك انا عارف انك بتاخد واقت ومجهود لكل درس بتحضرة بس لو كنت تحدد لنا مواعيد ثابتة للدروس نتابعك فيها يبقى جميل جدا
واسف طولت عليك
‏قال Yasser Abo El Ella
@خالد
أهلاً بك خالد,و متشكر على كلامك.. بخصوص تحديد مواعيد للدروس الصراحة فكرت فيها, بس المشكلة انى مرتبط بأكثر من حاجه, وانا ما بحبش اوعد و اخلف فى مواعيدي. لأنى فى اوقات بيبقى عندى وقت اعمل درسين فى الاسبوع وفى اوقات بالعافية بعمل درس واحد. علشان كده انا حاطط خدمة RSS ( الخلاصات ) و اللى تقدر تشترك فيها بالإيميل و لما بينزل اى درس جديد بيوصلك على الإيميل. و الشرح بتاعها على اللينك دا:
http://ana-3rby.blogspot.com/2008/05/blog-post.html
أنا بحاول انى اثبت على درس كل يوم السبت أو الأحد.
معلش يا خالد بس فعلاً انا مقدرش احدد وقت لأنى نفسى ما ببقاش عارف الأوقات اللى بفضى فيها فى الاسبوع, و متشكر لمتابعتك للدروس و تعليقاتك اللى منوره المدونة.
ودي و تقديري
‏قال فتاة عربية
أزال المؤلف هذا التعليق.
‏قال Yasser Abo El Ella
@فتاة عربية
أنا متشكر على كلامك جداً, و الحمد لله ان المعلومات سهله الفهم من الشرح, و إن شاء الله خطوه خطوه أى حد يقدر يوصل للمستوى اللى عايزه فى الفوتوشوب.
‏قال فتاة عربية
منفضلك ياسر : عند كتابة نص على الفوتوشوب عندي الحروف لاتتماسك " كل حرف بيكون على حده ممكن أجد عندك حل ؟
جزاك الله كل خير ياسر باشا والى الامام
‏قال Yasser Abo El Ella
@فتاة عربية
بالنسبة للخط لو اختارتى من اليمين اداة character هاتلاقى تانى خانه تحت على اليمين مكتوب عليهاAV وتحتيها سهم يمين وشمال ققليلها تحت الصفر و هايلزقوا الحروف جنب بعض.
@عبدالله عبدالفتاح
متشكر يا غالى على تعليقك و منور المدونة
‏قال محمد مجدي
شكرا جزيلا استاذ ياسر اذا امكن بعد التفرغ من الفوتوشوب كيفية استخدام المدونة مثلا انا عندي مدونه بس مش عارف احط مواضيع او ارفع فيديو ولا اي حاجة بالعلم اني لو عرفت ازاي استعملها هيبقا ان شاء الله خير كبير بسبب اني مدرس تربية خاصة ونادر لما تلاقي موقع مهتم اوي بالموضوع دة وجزاك الله الف خير وجعله في ميزان حسناتك اخوك محمد
‏قال Yasser Abo El Ella
@mmagdy
إن شاء الله أنا ناوى اعمل تعليم التدوين و الادوات اللازمة للتدوين, بعد الفوتوشوب.
شكراً لتعليقك يا مجدى
‏قال somamb…
استاذي ليش تنزيل الفيديوهات في الدروس مش زي الدرس الأول تحت الفيديوهات في تحميل الدرس ونستطيع التنزيل منها
انا مستنيا الرد. ولك كل شكري وشكر كل متعلم استاذي العزيز
‏قال Yasser Abo El Ella
@somamb
اللينكات وضعتها تحت الدرس, علشان يتحمل منها.
ومتشكر لتعليقك
‏قال غير معرف…
بجد يا ياسر الدرس روعة
وطريقة شرحك مبسطة وجميلة جدا
وانا بنزل عندى الدروس بعد كل شرح


بس ممكن استفسار
ف الدرس التانى الجزء التانى
عند تغير لون ف انا بعمل CTRL +U
( HUe / saturation(
وبجدد اللون من النافذة لكن مش بتظهر
القطارة ع الصورة والالوان بتتغير كلها

عمل ايه ؟
معلش بقى انا عارف انها غلاسة (:
ممكن تقولى اعمل ايه ؟
‏قال Yasser Abo El Ella
ياباشا مفيش غلاسة ولا حاجه :)
بص يا غالى.
الاول اتأكد انك بعد ما بيجيلك مربع hue
انك مختار من Edit
أى لون غير Master
دوس على القائمة واختار منها اى لون, و بعد كده هاتلاقى القطارة جت على طول, ولو ما جتش. هاتلاقيها تحت, أختار اول واحده شمال.
بس دى كل الحكاية, أنت بس تلاقيك كنت مش بتغير اللون من Edit.
ومتشكر على كلامك و تعليقك يا غالى.
‏قال غير معرف…
بجد يا ياسر شكرا ع ردك وع التوضيـــح ... شكرا (:
‏قال Yasser Abo El Ella
العفو يا غالي. ولو فى حاجه تانيه وقفت قدامك. ما تتكسفش
‏قال Max for all
كنت قد قررت أنني سأكتب تعليق بعد الإنتهاء من الدروس هذا إذا كنت سأعلق أساساً ولكن صراحة بعد الدرس الثاني لم أجد حتى الكلمات التي أشكرك بها وفي طريقي لمشاهدة باقي الدروس

جزاك الله عنا كل خير
‏قال Yasser Abo El Ella
@professionals
متشكر على كلامك, والحمد لله ان الدروس عجبتك.
تحياتى

المشاركات الشائعة