شرح الفيس بوك و كيفية عمل حساب عليه Facebook بالفيديو

face book الفيس بوك, الفيس بوك شبكة إجتماعية هى الأولي حالياً على جميع المواقع الإجتماعية سواء ماى سبيس و اللى كان اول شبكه لكن فى الاونه الأخيره حاز الفيس بوك على نصيب الأسد من أعضاء و مستخدمين الانترنت واللى توجه على الأنترنت كأكبر شبكه إجتماعية على مستوى الشبكه. الموقع الى لحظة كتابتى لهذه الجملة يعد الموقع رقم 5 على مستوى الشبكه لدول العالم بمعنى ان المواقع اللى المستخدمين كلها بتزورها يوميا على مستوى العالم لو هاتترتب يبقى الفيس بوك رقم 5 وطبعاً فى كل دولة بيختلف, مثلاً فى مصر أول موقع هو جوجل الثانى الياهوو الثالث هو الفيس بوك
الولايات المتحدة الفيس بوك رقم 2
انجلترا الفيس بوك رقم 2


نبتدى الأول معنى موقع إجتماعى, من أسمه كده بنستنتج منه انه موقع للعلاقات الإجتماعية وحتى لو مش عايز تعرف ناس, انت ممكن تلاقى إصحابك القدام على الفيس بوك لأن ببساطه المعلومات اللى بتحطها أثناء التسجيل بتخلى الموقع يوريلك الناس اللى ليها نفس المعلومات كمثال:
أنا مثلا كنت فى مدرسة أحمد لطفى فى ثانوى, وخريج سنة ( ك ), الفيس بوك من خطواته انه يوريلك الناس اللى كانت فى مدرسة أحمد لطفى سنة ( ك ). و نفس الحكايه فى الشغل لو حطيت اسم الشركه و فرعها هايوريلك مين اللى مشترك على الموقع و تقدر تحط اكونت الياهوو او الهوت ميل أو اى ايميل و الباسوورد و هو يوريلك مين من القائمة عندك مشترك فى الفيس بوك, و دا طبعاً مش معناه انك لقيتهم كده يبقى اضفتهم لأ لازم هم يوافقوا يعنى مفيش اى مضايقة مفيش اى حد يقدر يضيفك الا اذا انت وافقت على طلبه و ممكن بكل سهوله انك تحذف أى حد مش عاجبك بعد ما اضفته.
الفيس بوك صاحبة كان طالب و صممه مخصوص لطلاب جامعة هارفرد بس انتشر عالمياً و من احد اسباب تفوقة فى عالم الانترنت انه على طول فيه جديد عموماً انا مش هاتوسع اوى فى الشرح اكتر من كده أنا اللى عايزكم تعرفوه انكم هاتلاقوا اصحابكم القدام او قرايبكم او حتى ناس من الشارع عندكم على الفيس بوك, حتى لو ملقيتش ولا واحد و دى صعبه شويه لأن عدد الاعضاء فى الفيس بوك يتعدى ال90 مليون مشترك, وبرده هانقول انك مش هاتلاقى حد خالص يبقى أكيد هايعجبك الجروبات اللى فى الفيس بوك الجروب معناه ان ناس متجمعه فى حب حاجه معينه و مشتركين و بيحطوا معلومات عن الحاجه دى سواء بقى دينية, ثقافية, رياضية, علمية, فنية ..... إلخ إلخ إلخ

عنوان الموقع :

http://www.facebook.com/
الدرس دا الأول و الشرح فيه الاشتراك فقط و انضمام لجروب و انا عامل جروب للمدونه للى يحب يشترك فيه بحيث يبقى فى تفاعل اكتر بينا و بين بعض اللى يحب يجرب يعمل اكونت هايتتبع الخطوات فى الفيديو و هايشوف انها عمليه سهله جداً و دا عنوان الجروب بتاع المدونة على الفيس بوك للى يحب يشترك و اللى اسمة مدونة انا عربى:
http://www.facebook.com/home.php?#/group.php?gid=44496875811
و دى نصائح مهمه لو مش عايز الفيس بوك يقفلك الأكونت بتاعتك لأنها دى قوانينهم :

عدم الإشتراك بأسم من المشاهير.
وضع إسمك الحقيقى ( مش لازم طبعاً لأنك مش هاتوريهم بطاقتك بس بتسهل لو حد عمل سيرش عليك )
عدم كتابه إسمك بحروف كبيره و صغيره او بزخرفه *-YaSSer*->

دى أهم النصائح علشان الاكونت بتاعتك ما تتقفلش.

الشرح الفيديو بيوضح:
إذاى تبدأ بالأشتراك.
إذاى تفعل الحساب بتاعك فى الفيس بوك عن طريق الإيميل.
إذاى تبدأ فى إنشاء حسابك فى الفيس بوك ووضع معلوماتك.
إذاى تبحث عن أصدقائك على الماسنجر.
إذاى تبحث عن جروبات .
كيفية الإشتراك فى جروبات أو الخروج منها.




















حمل الدرس من هنا

53 تعليقات:

Shimaa Esmail يقول...

الأستاذ الفاضل/ ياسر أبو العلا
صاحب مدونة/ أنا عربي
بداية مجهود متميز جزاك الله كل الخير عن كل من يقرئه ويتعلم منه.
لقد أرسلت لك الجزء الثالث من الاستمارة (7صفحات)، أرجو منك إرسال رسالة توضح أن الجزء قد وصلك وأنه ليس هناك مشكلة في إرساله أحالت وصله لسيادتك .
تحياتي وتقديري
شيماء إسماعيل
باحثة بالماجستير- كلية الآداب جامعة القاهرة.

weefek يقول...

حقيقى اول مرة القى حد بيقول المعلومة لوجة الله تعالى عظم الله اجرك

Yasser Abo El Ella يقول...

Redscorpionأسف إنى رديت متأخر كده و إن شاء الله الدروس القادمة هاتبعى عن كيفية التدوين و الحاجات اللى تخلى مدونتك بسيطه و قوية فى نفس الوقت.

Yasser Abo El Ella يقول...

weefekشاكر ليك دعائك و إن شاء الله تجد كل الدروس اللى بتدور عليها على المدونة.
شكراً

Ahmad يقول...

جزاك الله خيراً أخي وزادك علماً فوق علم

محمد اسامة يقول...

جزاك الله خيراوزادك علم

Yasser Abo El Ella يقول...

@Ahmad
@محمد اسامة
متشكر اوى على تعليقاتكم. و الحمد لله ان الدرس عجبكم.
ودي و تقديري

sofesawy يقول...

شكرا جدا بس انا عندي مشكلة رسالة تاكيد البريد الالكتروني مجتش عندي علي الاميل اعمل ايه

Yasser Abo El Ella يقول...

@sofesawy
تأكد من ايميلات السبام, اذا كنت تستخدم الياهوو تاكد منها فى Spam
- الهوت ميل Junk mail
- الجيميل Spam
اطلب رسالة التفعيل مره اخرى و تأكد من ايميلك الذى تضعه.

تحياتى

Yasser Abo El Ella يقول...

@غير معرف
لم اجد اى داع لوضع إيميلك الشخصى هنا. لذلك قمت بإزالة التعليق. بخصوص سؤالك:


طيب فيه مشكلة الآن وهي :
لما باجي أبعت طلب صداقة لأي شخص بيقولي أدخل الرمز ويجبلي رمز غبي صعب يتكتب وفيه خيار تاني بيقولي أكد الحساب ويطالبني بإدخال رقم تليفوني بتابع التعليمات ومش بتجيلي رموز تفعيل الحساب ايه الحل في المشكلة دي أرجو الإهتمام والرد


الرموز صعبه و غبيه انا معاك, بس برده ممكن تتقرى يعنى, ولو معجبكش رمز اطلب رمز تانى. ولو عايز تريح دماغك خالص برده زى ما انت ما قلت أكد حسابك بالتليفون, و دا طبعاً بيبقى رقم موبيلك لأنهم هايبعتولك رساله فيها رقم تفعيل و هاتوصلك و تحطها بس اتأكد انك حاطط الرقم بتاعك كرقم دولى, بمعنى ما تنساش كود البلد كالتالى:002
وهكذا

خديجة يقول...

انا متشكره جدا وبجد انا استفادة كتير وجزاك الله كل خير
بستسمحك اناعندي طلب
اناحولت بعد ما اشتركة في الفيس بوك اني ادخل المجموعة بتاعة مدونة عربي معرفتش فيرت حضرتك تعرفني اعمل ايه ويرت لو ينفع بعد اذن حضرتك تعرفني ازاي اعرف احصل علي الدروس القديمه
وكل سنه وحضرتك طيب
بمناسبة رمضان

Yasser Abo El Ella يقول...

@خديجة
اهلاً بك, اللينك الخاصه بالجروب :



كل اللى عليكى انك هاتختارى join this group

ودا كل اللى عليكى تعمليه, بخصوص الدروس بقى دى ممكن تحملى التول بار الخاصة بالمدونة و عن طريقها هاتقدرى تلاقى لينكات لكل الدروس متقسمه, يا اما هاتلاقى على الجروب الدروس انا حاططها برده متقسمه.
ومتشكر على كلامك.

تحياتى

خديجة يقول...

انا متشكره جدا علي السرعه في الرد بس للاسف برده معرفتش اني اشترك في المجموعه وده من سوء حظي وانا متاسفه اني تعبة حضرتك معايا

Yasser Abo El Ella يقول...

@خديجة
دا لينك الجروب:

http://www.facebook.com/group.php?gid=44496875811

وجربى تانى, و ياريت تقوليلى اذا كنتى بتقتحى الصفحه و ما بتعرفيش تشتركى؟ ولا الصفحه ما بتفتحش اساساً ؟

تحياتى

خديجة يقول...

السلام عليكم
أنا متشكره جدا لأهتمام حضرتك
بس للأسف انا بعمل بحث علي الفيس بوك عن المدونه مش بيظهر حاجه وحولت كتير برده مش عرفه .
هو بس لو ينفع انا كل اللي محتاجاه دورة ال(ICDL)لوينفع حضرتك تبعتهالي علي الايميل اكون شكره افضلك جدا.
ومره تانيه بجد انا متأسفه علي ازعاج حضرتك وتعبك معايا.
السلام عليكم

Yasser Abo El Ella يقول...

@ خديجة
مفيش مشاكل يا خديجة و تقدرى تلاقى الايميل بتاعى فى البروفيل بتاع المدونة و هاتلاقينى حاطه برده فى احد الردود هنا فى نفس الموضوع.
تحياتى

غير معرف يقول...

هاى كل سنة وانت طيب بمناسبة العيد الصغير اناهتكلم على طول انا محتجالك علشان مش عارفة اعمل اميلى بحاول كتيربس دايمافى غلط فى كتابت الاميل مع انى بتبع الخطوات صح ممكن ترد عليا بليز بسرعة ومرسى قوى وكل سنة وانت طيب

Yasser Abo El Ella يقول...


وانتى طيبه, بصى ممكن يكون الإميل فيه مشكله, جربى اعملى ايميل تانى وشوفى هايحصل ايه.
تحياتى

غير معرف يقول...

اميرة عثمان انا بتابع دروسك بصراحه مكنتش عارفه حاجه فى الفيس بوك بس اتحسنت بكتير وبشكرك جزاك الله كل خير

غير معرف يقول...

سلام عليكم استاذي:
انا برضو مشكلتي في تأكيد حسابي على البريد الالكتروني؟تطلعلي الرساله ديمن وتمنعني من التعليقات والدردشه؟؟مع العلم اني غيرت ايميلي كم مره وعملت واحد جديد علياهو ومازالت المشكله قائمه؟؟
ارجو المساعده

Yasser Abo El Ella يقول...

@أميره عثمان
متشكر على تعليقك و اهلاً بيكى فى المدونة.

@غير معرف
ممكن تكتب الرساله اللى بتطلعلك ؟
وهل بيوصلك رساله تأكيديه ؟
ولما تفتح اللينك اللى بيوصلك بيجيلك ايه ؟

تحياتى

غير معرف يقول...

ماشاءالله عليك أخي
بارك الله فيك وزادك علما

استفدت كثيرا من درسك
جزاك الله خير

غير معرف يقول...

سلام عليكم..
انا طبت المساعده في مشكلة الايميل؟؟
الرساله هي :
يرجى تأكيد حساب بريدك الالكترني؟؟
مع العلم انه لم تصلني اي رساله على ايميلي وما وصلني فقط هو رساله تأكيد ربط الفيس بوك مع الياهو؟

ارجو المساعده لأني بجد متعقده من هالموضوع وخاصة اني منعت الان من الدخول للموقع بسبب هذه المشكله..
تحياتي

Yasser Abo El Ella يقول...


@غير معرف
متشكر على تعليقك.
تحياتى.

@غير معرف.

يرجى تأكيد حساب بريدك الالكترني؟؟
مع العلم انه لم تصلني اي رساله على ايميلي وما وصلني فقط هو رساله تأكيد ربط الفيس بوك مع الياهو؟


هاتلاقى فوق فى الحساب بتاعك مذكور انك لم تقومى بتأكيد الحساب بعد.
اضغطى عليها واختارى اعادة ارسال رسالة تأكيد الحساب.
سيصلك الايميل اضغطى على اول لينك تصلك. إذا لم تجدى الايميل فى inbox قد تجديها فى الرسائل المزعجه junk mail, Spam
ويمكنك عمل بحث فى الايميل الخاص بك بكتابه:
facebook.com
هاتلاقى كل الرسائل اللى وصلتك من الفيس بوك. اختارى اجددها حسب التاريخ و هاتلاقى فيها رابط التأكيد.

تحياتى

غير معرف يقول...

السلام عليكم:
(للعلم فقط)
اسفه استاذنا على ازعاجك للمره الثالثه وانا اكرر نفس الرساله بخصوص مشكلة حساب البريد الالكتروني..
قمت بتأكيد ارسال الرساله اكثر من مره ولم يصلني شي وبرضو بحثت في ايميلي وما وجدت اي رساله من الفيس بوك..
فكل الطرق مسدوده؟؟
اسفه
ولكن ربما تكون المشكله فلموقع نفسه ومن ناحيتي فلا اعتقد..
مشكور وبارك الله فيك

Yasser Abo El Ella يقول...


@غير معرفه
بخصوص مشكلة حساب البريد الالكتروني..
قمت بتأكيد ارسال الرساله اكثر من مره ولم يصلني شي وبرضو بحثت في ايميلي وما وجدت اي رساله من الفيس بوك..
فكل الطرق مسدوده؟؟
اسفه
ولكن ربما تكون المشكله فلموقع نفسه ومن ناحيتي فلا اعتقد..




لا يوجد اى ازعاج ولا داع للإسف, هل وانتى بتشتركى بتحطى إسمك وحواليه اشكال او رموز ؟
%^&#!
او هل بتشتركى بأسم حد من المشاهير؟ لأن دا برضه ممنوع
أو هل سنك ققل من 13 سنه ؟
دى أحد أسباب عدم قبولك فى الفيس بوك.

تحياتى

Yasser Abo El Ella يقول...

@ غير معرف
وعليكم السلام:

استاذي
لايوجد اي رموز ولا ادخل باسماء شخصيات معروفه؟؟

ولكني متأكده ان المشكله في الايميل؟لان الرسائل بصفه عامه لا تصل اليه؟؟
ولا اعرف السبب؟
وسأكرر المحاولات؟؟

مشكور..

وهذا ايميلي
www.-----m@yahoo.com


حاولى وضع الايميل بدون
www
الايميل مباشرةً
-----m@yahoo.com
تحياتى

غير معرف يقول...

انا مبسوطة جدا علشان اتعلمت من البرامج الجديدة اللى كان نفسى اتعلمتها وياريت يكون فى المزيد.

غير معرف يقول...

شكرا على شرح الفيس بوك وعمل الايميل بس لما عملت الايميل و اشتركت فى الفيس بوك يقول لى اكتب الرمز السرى اكتبة يقول لى خطئ و انا مش عرفة اعمل اية ارجو الرد و الافادة شكرا.

غير معرف يقول...

السلام عليكم
مشكور على التوضيحات
اشتركتبالفيس بك ووصلنى رسالة التاكيد ولكن لم استطيع الدخول على الرابط بالميل فما الحل
سؤال ثانى
انا اشتركت بالفيس بك بميال اخر وتم تعطيلة مع العلم انى اسمى عادى جدا
فما هي اسباب التعطيل لتجنبها
هل الصورة الشخصية ولاالانضمام لمجمعات ماارجو الافادة

غير معرف يقول...

السلام عليكم انا اشكرك اخي على المجهود الاكتر من رائع والدي استفدت منو كتيرا ....بس عندي استفسار لو سمحت هو طريقة ادخال الفديوهات لاني كل مااحاول ادخال اي فديو يقول لي بانه يجب عدم تجاوز الدقيقتان بالرغم من وجود فيديوهات فيها اكتر من دقيقتان وشكرا مرة اخرى.

غير معرف يقول...

السلام عليكم انا اشكرك اخي على المجهود الاكتر من رائع والدي استفدت منو كتيرا ....بس عندي استفسار لو سمحت هو طريقة ادخال الفديوهات لاني كل مااحاول ادخال اي فديو يقول لي بانه يجب عدم تجاوز الدقيقتان بالرغم من وجود فيديوهات فيها اكتر من دقيقتان وشكرا مرة اخرى.

abdomahmod يقول...

استاذ ياسر من فضلك عاوز اعرف ايه الفرق بين نسخه ويندوز الاكس بي العاديه ونسخه الويندوز 7 الجديده وايهما افضل وامكن

غير معرف يقول...

شكراً كلك زوء والله يعطيك العافية على المجهود الرائع

غير معرف يقول...

جزاكم الله خيراً كثيراً على هذا المجهود الطيب

عندي إستفسار لو سمحت

لماذا لا يوجد صوت في الفيديوهات ؟

السلام يقول...

السلام عليكم ورحمة الله
الله يعطيك العافيه ياغالي طلب لو سمحت شرح تصميم الايميل وارسال ومشاكله ولك جزيل الشكر

غير معرف يقول...

اسلام عليكم ورحمة الله وبركاته متشكر جدا على هذا الشرح الجميل وربنا يوفقق الى ما تحبه وترضا ويارب اكون صديق جديد ليك

غير معرف يقول...

السلام عليكم الف شكرا على الشرح الله يعطيك العافيه ابو محمد

a يقول...

كل مره احاول اشترك قول الpassward
خطأ ليه؟؟؟
اذا سمحت جاوبني ضروري

a يقول...

اذا سمحت امشى معايا خطوه خطوه
معلش انامبتدئه

غير معرف يقول...

انا بقي نفسي اشترك في الفيس بوك علشان اكلم اصحابي ومش عرفي اعمل ايه

غير معرف يقول...

ما حدش رد ليه عوزه اعرفي ازاي اشترك في الفيس بوك لاو سمحت بسرعه

اوراق مدفونة يقول...

شكرا الله يعطيك العافية ما قصرت الشرح وافي

Yasser Abo El Ella يقول...

ياريت يا جماعة اى تعليق يبقى على المدونة الجديدة لأنى بالفعل مش بتابع هنا زى الاول خالص, و المدونة الجديده دا عنوانها:
http://ana-3rby.com
ودى اللى فيها الدروس و متابعها.

غير معرف يقول...
أزال أحد مشرفي المدونة هذا التعليق.
غير معرف يقول...

الفيديو مش بيفتح عندي أعمل ايه

غير معرف يقول...

بجد انا مش عارفة اشكركم اذاي علي الافادة الرئعة دي

غير معرف يقول...

الدروس مش بيتتحمل ليه معايا وشكرا

walid said يقول...

الاكونت بتاعي مش بقي يفتحليه مش عارفmy account has disabledاريد حل المشكله وفتح الاكونت

walid said يقول...

الاكونت بتاعيlido.said@yahoo.com has disabled what can ido to repair it and open? please reply me soooon

غير معرف يقول...

انا ريماس من غزة انا بشكرك جدا والله يوفقك علي المجهود الطيب بتمني تبقي مستمر لانك بجد بتفيد الكتير وجزاك الله خير

غير معرف يقول...

مشكوووووووووووووووووووووووووووور

Mostafa Maher يقول...

مش لاقى كلام اشكرك بيه بجد انت استاذ وانا كل يوم بأستفيد من علمك واسلوبك الذى يتميز بالبساطة

by TemplatesForYou-TFY
SoSuechtig