شرح برنامج الموفي ميكر بالفيديو Windows Movie Maker

Windows Movie Maker الويندوز موفي ميكر برنامج مجاني تابع لحزمة الخصائص الموجودة داخل نظام الويندوز, البرنامج من أسمه نقدر نفهم عمله, البرنامج متخصص فى عمل فيديوهات. لو تلاحظ هاتلاقى على مواقع الفيديوهات المشهوره سواء اليوتيوب أو الميتاكافية أو المواقع العربية المشهورة مثل إكبس أو تلفازى أو مصراوى أو أى موقع فيديو هاتلاقى جواه فيديوهات أجزاء متقطعة من فيديوهات أو مجموعة صور ورا بعض. دى معموله بالموفى ميكر, فى برامج كتير طبعاً متخصصه و فيها إمكانيات أكبر بكتير من الموفي ميكر بس هو يعتبر أبسطهم و أسهلهم فى التعامل و المستخدم العادى يقدر يعمل عليه الفيديوهات اللى هو عايزها.

ويندوز موفى ميكر Windows Movie Maker يقبل معظم ملفات الميديا.

البرنامج بيقبل إمتدادات معظم الفيديوهات مثل: avi, mpg, wmv, …..كما يقبل معظم إمتدادات الملفات الصوتية مثل: , mp2, mp3, wav……..ويمكنك بالموفى ميكر أيضاً أن تقوم بالتسجيل المباشر من الويب كاميرا الخاصة بك و التحدث عبر الميك لتقوم بعمل فيديو صوت و صورة بسهولة.

الموفي ميكر تقدر تضيف فيه صور فقط أو صور و فيديوهات حسب إحتياجك للفيديو و الشكل النهائى الذى تسعى إليه. مثلا عندما أقوم بعمل درس فيديو على موفي ميكر أقوم بوضع صورة فى المقدمة و بعدها الدرس و فى النهاية أضع نفس الصوره مرة أخرى و يمكننا أيضاً وضع جملة معينة على الفيديو سواء فى بدايتة أو النهاية أو أثناء الفيلم, إذن الموفي ميكر يمكننا من القيام بعمليات أساسية بطريقة بسيطه و سهله و هذه الخطوات ستجدها فى الشرح الفيديو.

أين أجد الموفى ميكر على الجهاز عندى ؟

تقدر تلاقى البرنامج موجود على Start ونختار All Programs و بعديها هانلاقى Windows Movie Maker وتقدر تحط Shortcut للموفى ميكر على الديسك توب لو هاتشتغل عليه كتير.
دلوقتى اسيبكم مع الشرح الفيديو لكيفية التعامل مع برنامج الويندوز موفي ميكر. و الفيديو اللى عملته أثناء الشرح أنا مذود فيه حركات علشان ابين انك تقدر تعمل حاجات كتير بالبرنامج و الفيديو أنا رافعه بعد الشرح و على فكره كله صور بس.


















حمل الدرس

الجزء الأول

الجزء الثانى

الجزء الثالث


[ اقرأ المزيد ...]

5 أسباب كافية لتحميل برنامج بيكاسا من جوجل

بيكاسا Picasa
برنامج بيكاسا برنامج به تطبيقات لتمكن مستخدمية بتنظيم و تحرير الصور و الفيديوهات , بمعنى أخر جامع بين أكثر من وظيفة بأكثر من برنامج يعنى انت بدل ما تنزل الفوتوشوب علشان تحط أسمك على صورة أو تقص منها حته صغيره او تضغير حجمها و تدور على اذاى تعمل كل دا فى الفوتوشوب بخطوات بسيطه بيكاسا تقدر تعمل كل دا, و بيتيح ليك تنظيم الصور بسهولة جداً لأنه بيتعرف و يقرا كل الصور الموجوده على الجهاز من اوله لأخره من غير اى مساعده منك أو ارشاد لأماكن الملفات, و طبعاً فى المقابل بيتيح ليك إخفاء بعض الفولدرات اللى لو مش عايزه يظهر الصور اللى فيها.

Picasa بيكاسا برمجة شركة أسمها ( أيدلاب)- Idealab - قبل أن تقوم جوجل بشرائه عام 2004 و تقوم بتطويرة, أسم البرنامج مقتبس من جزء Pic إختصار لكلمة صورة وcasa التى معناها منزل بالإيطالية و الاسبانية.

بيكاسا Picasa متوافق مع إصدارات الويندوز 98, windows Me, إكس بى, فيستا و أيضاً متوافق مع إصدارات اللينوكس و كمبيوترات Mac .
بيكاسا برنامج بسيط ذو إمكانيات قوية لا يحتاج إلى الكثير من الخبرة حتى تتمكن منه فمثلا إذا كنت من هواة التصوير الفوتوغرافى او حتى من هواة التصوير فبرنامج بيكاسا هو الحل الأمثل لك, هل حدث من قبل و بحثت عن فولدر معين فى الجهاز كله و لم تجده ووجدتة بالمصادفة بعد ذلك بأيام ؟ هذا لن يحدث لك مع بيكاسا فهو يجمع لك كل الصور الموجودة على الجهاز و ينظمها فى فولدرات او حسب التاريخ أو حسب الحجم وهذا ما تحدده أنت, بل أيضاً يمكنك مشاهدة معظم إمتدادات الفيديوهات والأفلام بواسطة بيكاسا و هذا بالطبع يوفر من الوقت الكثير فبدلاً من الدخول على الكمبيوتر و البحث و تشغيل برنامج عارض سواء للصور او الفيديوهات فببيكسا تستطيع رؤية الصور و الفيديوهات معاً و تشغيلها و التعديل بها.
ذلك مع وجود فلاتر مفيدة و أيضاً من أهم استخداماته هو رفع الصور أو الفولدرات بأكملها على حسابك الخاص فى جوجل و الذى تستطيع جعل ملفاتك غير مرئية لأحد أو من الممكن مشاركتها مع أى شخص أخر تريد.

5 أسباب قد تجعلك تفكر فى الحصول على برنامج بيكاسا المجانى:
1- مجاني, و من لا يحب هدايا جوجل كجيميل و جوجل إرث و متصفح كروم ؟
2-إمكانيات التحرير البسيطة و المطلوبة فى نفس الوقت كإزالة العين الحمراء من أثر الفلاش بالكاميرا, أو وضع إطار للصورة, او كتابة جملة أم كلمة على الصور.
3-إمكانية مشاركة صورك مع أى شخص سواء يمتلك حساب على بيكاسا أو لا يمتلك.
4-وجود إمكانية تنظيم الصور و ترتيبها بسهولة و سرعة.
5- ببرنامج واحد يمكنك مشاهدة صورك و تنظيمها و ايضاً مشاهدة الأفلام.
لن أطيل عليكم أكثر من ذلك وفى هذا الشرح 3 أقسام:
كيفية الحصول على أخر نسخة من بيكاسا Picasa.
كيفية تنصيب البرنامج والتعامل معه .
كيفية إزالة البرنامج من الكمبيوتر إذا لم نرد أن نحتفظ به.













لتحميل الدرس

الجزء الأول

الجزء الثانى

الجزء الثالث

الجزء الرابع



[ اقرأ المزيد ...]

شرح الفيس بوك الجزء الثانى بالفيديو

عرفنا فى الجزء الاول كيفية عمل أكونت على الفيس بوك و اهم الاساسيات الخاصة بالfacebook الدرس دا فيه شرح كيفية إرسال و أستقبال الرسائل عن طريق الفيس بوك و كيفية مسح الرسالة أو طريقة تكوين رسالة و ارسالها لصديق على الفيس بوك, وال Applications او كما تعرف بالتطبيقات الخاصة بالفيس بوك و كيفية استعراضها أو البحث عن أى تطبيق تريده وهنا برده احب إنى أضيف حاجه مش موجوده فى الفيديو علشان الناس اللى متابعه المدونة :), فى تطبيق لتحويل الفيس بوك واجهته كلها عربى علشان الناس اللى

مش عايزه تخنق نفسها بالانجليزى مع انى برشحه علشان نقوى اللغه شويه عموما دا عنوان التطبيق و اللى تقدروا تشتركوا فيه و هاتلاقوا طريقة الأشتراك فى اى تطبيق فى الفيديو موجوده.

دا عنوان تطبيق ترجمة الفيس بوك هاتشترك فيه و هاتلاقى شكل كره أرضية موجوده فى الفيس بوك من تحت دوس عليها واختار اى لغه انت عايزها : لينك التطبيق هنا. شرح كيفية حذف أى تطبيق أو وضعه فى البار السفلى لصفحة الفيس بوك و الخصوصية للتطبيقات أيضاً, كيفية عمل ألبوم صور خاص بك على الفيس بوك و كيفية وضع حدود لمن يمكنهم إستعراض الالبوم. كيفية البحث عن جروب على الفيس بوك و كيفية الإشتراك و فهم مكونات الجروب قبل الإشتراك و أيضا كيف يمكنك أن تضيف أى شخص فى الفيس بوك لإصدقائك أو طريقة رؤيه أصدقاء شخص معين على الفيس بوك, عمل شات على الفيس بوك و أيضاً يمكنك منع شخص من أن يراك على الفيس بوك او يرسل لك رساله عن طريق بلوك.


و أهم جزء هو الخصوصية الموجوده فى الفيس بوك بمعنى أنك ستتعلم كيف تتحكم فى بروفيلك و صورك و معلوماتك و من يمكنهم معرفتها و إستعراضها سواء اصدقائك او أشخاص معينين.

الجزء الأول





الجزء الثانى






الجزء الثالث

حمل الدرس

الجزء الأول

الجزء الثانى

الجزء الثالث


[ اقرأ المزيد ...]

شرح الفيس بوك و كيفية عمل حساب عليه Facebook بالفيديو

face book الفيس بوك, الفيس بوك شبكة إجتماعية هى الأولي حالياً على جميع المواقع الإجتماعية سواء ماى سبيس و اللى كان اول شبكه لكن فى الاونه الأخيره حاز الفيس بوك على نصيب الأسد من أعضاء و مستخدمين الانترنت واللى توجه على الأنترنت كأكبر شبكه إجتماعية على مستوى الشبكه. الموقع الى لحظة كتابتى لهذه الجملة يعد الموقع رقم 5 على مستوى الشبكه لدول العالم بمعنى ان المواقع اللى المستخدمين كلها بتزورها يوميا على مستوى العالم لو هاتترتب يبقى الفيس بوك رقم 5 وطبعاً فى كل دولة بيختلف, مثلاً فى مصر أول موقع هو جوجل الثانى الياهوو الثالث هو الفيس بوك
الولايات المتحدة الفيس بوك رقم 2
انجلترا الفيس بوك رقم 2


نبتدى الأول معنى موقع إجتماعى, من أسمه كده بنستنتج منه انه موقع للعلاقات الإجتماعية وحتى لو مش عايز تعرف ناس, انت ممكن تلاقى إصحابك القدام على الفيس بوك لأن ببساطه المعلومات اللى بتحطها أثناء التسجيل بتخلى الموقع يوريلك الناس اللى ليها نفس المعلومات كمثال:
أنا مثلا كنت فى مدرسة أحمد لطفى فى ثانوى, وخريج سنة ( ك ), الفيس بوك من خطواته انه يوريلك الناس اللى كانت فى مدرسة أحمد لطفى سنة ( ك ). و نفس الحكايه فى الشغل لو حطيت اسم الشركه و فرعها هايوريلك مين اللى مشترك على الموقع و تقدر تحط اكونت الياهوو او الهوت ميل أو اى ايميل و الباسوورد و هو يوريلك مين من القائمة عندك مشترك فى الفيس بوك, و دا طبعاً مش معناه انك لقيتهم كده يبقى اضفتهم لأ لازم هم يوافقوا يعنى مفيش اى مضايقة مفيش اى حد يقدر يضيفك الا اذا انت وافقت على طلبه و ممكن بكل سهوله انك تحذف أى حد مش عاجبك بعد ما اضفته.
الفيس بوك صاحبة كان طالب و صممه مخصوص لطلاب جامعة هارفرد بس انتشر عالمياً و من احد اسباب تفوقة فى عالم الانترنت انه على طول فيه جديد عموماً انا مش هاتوسع اوى فى الشرح اكتر من كده أنا اللى عايزكم تعرفوه انكم هاتلاقوا اصحابكم القدام او قرايبكم او حتى ناس من الشارع عندكم على الفيس بوك, حتى لو ملقيتش ولا واحد و دى صعبه شويه لأن عدد الاعضاء فى الفيس بوك يتعدى ال90 مليون مشترك, وبرده هانقول انك مش هاتلاقى حد خالص يبقى أكيد هايعجبك الجروبات اللى فى الفيس بوك الجروب معناه ان ناس متجمعه فى حب حاجه معينه و مشتركين و بيحطوا معلومات عن الحاجه دى سواء بقى دينية, ثقافية, رياضية, علمية, فنية ..... إلخ إلخ إلخ

عنوان الموقع :

http://www.facebook.com/
الدرس دا الأول و الشرح فيه الاشتراك فقط و انضمام لجروب و انا عامل جروب للمدونه للى يحب يشترك فيه بحيث يبقى فى تفاعل اكتر بينا و بين بعض اللى يحب يجرب يعمل اكونت هايتتبع الخطوات فى الفيديو و هايشوف انها عمليه سهله جداً و دا عنوان الجروب بتاع المدونة على الفيس بوك للى يحب يشترك و اللى اسمة مدونة انا عربى:
http://www.facebook.com/home.php?#/group.php?gid=44496875811
و دى نصائح مهمه لو مش عايز الفيس بوك يقفلك الأكونت بتاعتك لأنها دى قوانينهم :

عدم الإشتراك بأسم من المشاهير.
وضع إسمك الحقيقى ( مش لازم طبعاً لأنك مش هاتوريهم بطاقتك بس بتسهل لو حد عمل سيرش عليك )
عدم كتابه إسمك بحروف كبيره و صغيره او بزخرفه *-YaSSer*->

دى أهم النصائح علشان الاكونت بتاعتك ما تتقفلش.

الشرح الفيديو بيوضح:
إذاى تبدأ بالأشتراك.
إذاى تفعل الحساب بتاعك فى الفيس بوك عن طريق الإيميل.
إذاى تبدأ فى إنشاء حسابك فى الفيس بوك ووضع معلوماتك.
إذاى تبحث عن أصدقائك على الماسنجر.
إذاى تبحث عن جروبات .
كيفية الإشتراك فى جروبات أو الخروج منها.




















حمل الدرس من هنا

[ اقرأ المزيد ...]

معلومات لم تكن تعرفها و لم تتخيلها

الفيديو دا شوفته على اليوتيوب و عجبنى جداً و حبيت أشاركه معاكم واللى عاجبنى فى الفيديو إنه بيوضح سرعة التقدم اللى العالم ماشى بيه و احنا لسه فى ناس متعرفش فين إيديها اليمين من الشمال, المهم أنا هاترجم الفيديو كتابه لأن دا اللى يهمنى إنكم تعرفوه, انا مش حاطه علشان نتعقد. لأ انا حاطه علشان الناس تشد حيلها و تفضل تتعلم حاجات جديده حتى لو صعبه شويه و محدش يكسل أو يقول أنا معايا أى سى دى ال و حلو اوى كده لأ طبعاً الاى سى دى ال يادوب احنا كده بنعرف نقعد على الجهاز و بنستخدم الوظائف الأساسية اللى فيه, و مين عارف أكيد فى ناس كتير لو أشتغلت على برامج أكتر هاتبقى أقوى مما تتخيل. مش هاطول عليكم. الفيديو اهو و الترجمه تحتية أنا كاتبها.




هل تعلم:
- لو انت واحد فى المليون فى الصين فهناك 1300 شخص مثلك " هنا قصدهم لو أنت متخصص فى حاجه ونسبتك على مليون ففى 1300 واحد غيرك متخصص فى نفس المجال فى الصين.
- الصين هاتبقى الدوله رقم واحد من حيث العدد لمتحدثي الإنجليزية.
- 25% من سكان الهند يمتلكون نسبة ذكاء عالى .... و اللى أكبر من مجموع سكان الولايات المتحدة الأمريكية... الترجمة الهند تمتلك أولاد مميزون اكثر مما تمتلك أمريكا أطفال.

هل تعلم:
- أعلى 10 وظائف ستكون مطلوبة عام 2010.. لم يكن لها وجود عام 2004.
- نحن نعلم الطلاب الأن لأعمال ليست موجودة الأن...باستخدام تكنولوجيا ليست موجوده من قبل لحل مشكلات لم نعرف حتى الأن انها ستكون مشاكل فى المستقبل.
بتقديرات وزارة العمل الأمريكية: طلبة اليوم سيكونوا قد عملوا بحوالى 10 الى 14 عمل عندما يصلون إلى سن 38 .
1 من كل 4 عمال أمضى مع صاحب العمل أقل من عام واحد .
1 من كل 2 عمال أمضى أقل من 5 أعوام.
1 من كل 8 متزوجين فى الولايات المتحدة الأمريكية العام الماضى تعرفوا على الأنترنت.
هناك أكثر من 200 مليون مشترك فى موقع myspace.... لو أن الموقع بلداً لكانت خامس أكبر دولة فى العالم بين اندونيسيا و البرازيل.
الدولة رقم واحد فى العالم فى تطبيقات الأنترنت هى برمودا.. فى حين تأتى الولايات المتحدة رقم 19 اليابان رقم 22.
هناك 31 بليون سيرش على جوجل شهرياً.. عام 2006 كان هذا الرقم 2.7 بليون شهرياً
لمن كانت هذه الأسئلة تسأل ق.ج ؟ ( قبل جوجل )
أول رسالة إعلانية أرسلت للموبيل كانت ديسمبر 1992.. اليوم عدد الرسائل التى ترسل و تستقبل تفوق مجموع سكان كوكب الأرض.
عدد السنوات التى استلزمت للوصول إلى 50 مليون من الجماهير أو المتابعين:
الراديو : 38 عاماً.
التلفزيون: 13 عاماً.
الأنترنت: 4 أعوام.
آي بود- iPod : 3 أعوام.
الفيس بوك: عامين.

عدد مقدمين خدمة الانترنت عام 1984 كام 1000.
وصل عام 1992 إلى 1,000,000
وصل عام 2008 إلى 1,000,000,000
هناك حوالى 540,000 كلمة باللغة الأنجليزية.. حوالى 5 أضعاف ما كانت عليه أيام شكسبير.
يقدر كمية المعلومات الأسبوعية التى تحتويها جريدة النيويورك تايمز أكثر من المعلومات التى كانت عند أشخاص القرن الثامن عشر طول حياتهم.
تقديرياً سيتم طرح حوالى 4 إكسا بايت ( 4x10^19) معلومة جديدة هذا العام... والذى يعد أكثر من 5000 عام سابقة.

كمية تكنولوجيا المعلومات تتضاعف كل سنتين.. لطلاب التكنولوجيا هذا يعنى التالى .. نصف ما يدرسونه فى عامهم الدراسى الأول سيكون عفا عليه الزمن أثناء عامهم الدراسى الثالث.
نجحت شركه يابانية فى عمل كابلات بألياف ضوئية تستطيع توصيل 14 تريليون بايت فى الثانية.
هناك 2,660 قرص ممغنط ( سى دى ) أو 210 مليون إتصال هاتفى كل ثانية و التى حاليا تضاعف ثلاث مرات كل 6 شهور و يرجح أنها ستتزايد بنفس النسبه ال20 عام القادمة.
بحلول عام 2013 سيبنى الكمبيوتر بمواصفات تتعدى قدرات عقل الإنسان والذى يقودنا للتوقع أنه بحلول عام 2049 بشرائك لكمبيوتر بحوالى 1000 دولار ستمتلك جهاز ذو مواصفات مثل عقول البشريه كامله.
هل تعلم:
خلال هذا العرض 5:16 دقيقة هناك 67 طفل ولد بأمريكا فقط و 274 طفل ولد بالصين و 395 طفل ولدوا فى الهند....
و 694,000 أغنية تم تحميلها بطريقة غير قانونية.
أرجو أن تكونوا أستمتعم بالعرض .. شكراً
[ اقرأ المزيد ...]

by TemplatesForYou-TFY
SoSuechtig