مادة الوورد الدرس الأول

الحمد لله هانبتدى من الدرس دا دروس الفيديو و اللى بحس انها اسهل لكم و بالتأكيد أسهل ليا برده وفى نفس الوقت و بتوضح أكتر و تقدر تتفرج على حته معينه أكتر من مره لو مش فاهمها



أنا شارح هنا على الوورد 2003 الانجليزى, لأنك ببساطه لو اتعلمت على الانجليزى هايبقى سهل انك تتعامل مع العربى, لكن لو اتعلمت على العربى هايبقى صعب انك تتعامل مع الانجليزى و معظم الشركات بتبقى حاطه النسخه الانجليزى, النسخه دى نقائها كويس علشان كده هاتاخد وقت فى تحميلها بس دا تعليم حاجه هاتفيدك فعلا فأظن عادى حتى لو أخدت وقت علشان تحمل بس هاتقدر تشوف تفاصيل البرنامج


الجزء دا اول جزء من الوورد ولازم نعرف التالى :

ما هى برامج معالجة الكلمات ؟وما هى اهمية إستخدامات هذه البرامج ؟
ما أهميه الوورد و ما يميزه عن البرامج الأخرى ؟


ايه هو ميكروسوفت وورد ؟
أشهر برنامج لمعالجه الكلمات و أكثرها تقدما وا نتشارا بين مستخدمين الكمبيوتر , أستخدمت برامج معالجة الكلمات و تطبيقاتها كبديل جديد للآله الكاتبة و تم تطويرها و تحديثها و إدراج الكثير من التطبيقات الجديده كإدراج الصور و الجداول و غيرها من التطبيقات التى تميزها عن الآله الكاتبه.

والفيديو التالى يشرح كيفيه :

فتح البرنامج و تشغيله.
فتح ملفات و مستندات الوورد .
فتح و تعديل الملفات.
حفظ تعديلاتك التى قمت بعملها للملف .
كيفيه إعاده فتح الملف؟
كيفية فتح أكثر من ملف بالوورد؟
كيفية التنقل بين عدة مستندات؟

ما معنى القوالب Templates ؟
كيف تنشىء ملف خالى جديد بالوورد ؟
أنواع المستندات التى يمكنك إنشائها بالوورد
كيف يمكنك إنشاء ملف مأخوذ من قوالب جاهزه ؟
كيف نقوم بحفظ الملف أول مره و كيف نحفظه بعد ذلك ؟
حفظ الملف قبل أو أثناء قفل الوورد .
ما هى تعليمات الوورد ؟
كيفيه الوصول إلى التعليمات ؟
ما هو الإستفاده من تنوع طرق عرض المستندات فى وورد ؟ما هى الطرق ؟وما هى طريقة إستبدالها ؟
كيف يمكننى أن أقوم بتغيير حجم عرض المستند ؟
كيفيه إظهار و إخفاء أشرطه الأدوات ؟
كيفيه إضافه أزرار أو إزالة بعض منها ؟
أنواع الحفظ


وقبل أن تقوم بتشغيل الفيديو يستحسن أن تقوم بفتح البرنامج و تتبع الخطوات واحده بعد الأخرى وتقفه بعد كل خطوه و تطبق عليها و شكرا.

الفيديو دا نقائه عادى لو عايز نقاء عالى تقدر تنزله من هنا







تعليقات

‏قال المدير
الف شكر ليك وشرح اكثر من رائع وان شاء الله ربنا يوفقك وتقدر تكمل شرح الدورة كلهالان فعلا فى ناس هتسفاد من الشرح ده وربنا يجعله فى ميزان حسناتك باذن الله
‏قال Yasser Abo El Ella
العفو يا مدير
أنت احرجتنى بذوقك وربنا يخليك يارب و نشوف تعليقاتك منوره المدونه
ويارب يسمع منك و الواحد يلاقى الوقت بجد و يكمل الكورس كله لأنى بجد بعانى من حكايه الوقت دى
وربنا يكرمنا جميعا
‏قال غير معرف…
السلام عليكم انا ياسمين من مصر-الفيوم
انا كتبت تعليق فى الدرس النظرى وشكرا على الرد
انا فعلا بستفاد كتيييييير من دروسك وبنا يجازيك خير ومستنيه الدرس القادم
شكراااااااااااااا
‏قال Yasser Abo El Ella
شكرا ياسمين على التعليق
وقريب إن شاء الله الدرس التانى
‏قال غير معرف…
السلام عليكم -اتأخرت علينا قوى فى الدرس التانى يا رب يقويك وتقدر تكمل معانا الدروس -شكرا( ياسمين)
‏قال غير معرف…
انا فاطمة من مصر بجد مش عارفة اشكرك ازاي
انا استفدت كتير من الدروس
ربنا يجازيك خير ويحققلك كل ما تتمنى
‏قال Yasser Abo El Ella
أهلا فاطمه
أنا متشكر على التعليق ويارب الناس كلها تحقق اللى تتمناه من خير
‏قال غير معرف…
الفيديو هنا ما بيفتحشى ليه؟
‏قال Yasser Abo El Ella
الفيديو هنا شغال وأنا اتأكدت بنفسي و تقدر تعمل ريفريش ولو مشتغلش احذف الكوكيز اللى عندك على الجهاز و جرب شغله تانى. ولو فى اى مشاكل ياريت تبلغنى. و شكراً على اهتمامك
‏قال غير معرف…
بسم الله ما شاء شرح حضرتك رائع واستفدت منه كتير وربنا بجد يجزيك كل خير
‏قال Yasser Abo El Ella
@غير معرف
متشكر لكلامك وان شاء الله تبقى الدروس كلها مفيده لكم.
تحياتى
‏قال غير معرف…
السلام عليكم جزاك الله خيرا الموضوع رائع وللاسف لسه عرفاه قريب بس ممكن اسئله للمراجعه ضرورى شكرا
‏قال نور…
نور من مصر
‏قال غير معرف…
انا اكتحانى بعد غدا و اريد ان احمل الدرس الاول للورد
‏قال غير معرف…
ان مجهودك اكثر من رائع و جبااااار
و اشكرك على ذلك
ان الفيديو لا يعمل عندى و
اريد ان احمل الدرس كاملا

ارجو المساعدة قريبا
‏قال غير معرف…
ان امتحانى بعد بكرة والفديوهات الخاصة بالورد لم تعمل عنى
و اريد المساعدة ضرورى جدا
اعرف انى بتعبك لان شرحك ممتاز و بفهم منك بس ممكن احمل حلقات دروس الشرح الخاص بالورد
‏قال غير معرف…
موقع وبرنامج ممتاز
ربنا يجعل عملك الجميل دا فى ميزان حسناتك
وياريت باقى المواقع تتعلم منك
فعلا خيركم أنفعكم للناس
بص ياريت يكون الشرح فى مقطع فيديو ذى الفيديو تيوب الورد ألاكسيل ..........e
‏قال zakaria
انا محمد من مصر - شبرا
الف شكر ليك يا ياسر وربنا يوفقك
وجذاك الله كل خير
وافضل موقع هوا المدونة

المشاركات الشائعة