إذاى أعمل بريد إلكترونى ؟

إذاى أعمل بريد إلكترونى ؟

أهلا بيكم فى الدرس التانى وهو إذاى اعمل ايميل -بريد الكترونى- خدمه البريد الالكترونى بتقدمها مواقع كتير كخدمه لزوارها واللى طبعا بتقوى الموقع لأنه بيضمن زوار كتير للموقع ومن أشهر المواقع اللى بتقدم خدمه البريد الالكترونى Hotmail ,Yahoo, Google ..


واللى خلاهم من اشهر المواقع أن لكل موقع برنامج دردشه من خلاله تقدر تضيف أصحابك اى تتعرف على ناس من خلالهم وأى موقع منهم أو غيرهم بيطلب نفس المعلومات تقريبا وهانشوف سوا بالصور ايه اللى بيتطلب مننا علشان نعمل ايميل على اى واحد منهم...
نبتدى بال Yahoo :
1-بندخل على الموقع بتاع الياهوو : http://www.yahoo.com
2- بنختار Mail
3-بعد كده هاننتقل الى الصفحه دى و هانختار منها
Sign Up
ومنها هانبتقى ملئ البيانات المطلوبه.
زى ما احنا شايفين قدامنا دلوقتى فى الصوره القائمه اللى هانكتبها و البيانات كالتالى:
1.Tell us about yourself…
هنا بنحط الاسم الثنائى My Name
هنا بنختار لو ولد ولا بنت ولد ولابنت Gender
ولد М
بنت F
تاريخ الميلاد الشهر و اليوم و السنه Birthday
بلد الاقامه I live in
الكود البريدى و دا بيختلف حسب البلد Postel code
2-Yahoo an ID and password
Yahoo! ID and Email هنا أسم الايميل اللى عايز تخليه ليك يعنى لو مثلا عايزين نعمل ايميل اسمه زعبوله هايبقى نكتب زعبوله بس كده
Password ودى كلمه السر اللى هاتبان على انها ** وهانحط باسوورد ما ننساهاش و فى نفس الوقت ما تبقاش سهله و الخانه اللى على اليمين هاتأكدلك اذا كانت سهله ولا صعبه وققل حاجه 6 حروف وطبعا الافضل انك تنوع بين ارقام و حروف علشان تبقى اقوى.
Re-type Password هنا بتعيد كتابه الباسوورد تانى علشان بتأكد انك قاصدها ومش غلطان فى اى حرف
3-In case you forget your ID or password…
Alternate Email
هنا لو عندك ايميل تانى تحطه بس ممكن تسيبها فاضيه مفيش مشاكل
Security Question
هنا لو نسيت كلمه السر بتاعتك و حبيت تستعيدها بيسألك السؤال اللى هاتختاره هنا
Your Answer
الاجابه اللى هاتجاوبها على Security Question
Just a couple more details …
Type the code shown
المربع اللى فى الخانه اللى تحت فيه حروف و ارقام هانكتبها فى المربع دا .
Do you agree?
هنا بيقولك انت موافق على اتفاقيه الياهوو هانعلم على الخانه الفاضيه .
و هاندوس على Creat My Account
مبروك يا معلم بقى عندك ايميل بالأسم اللى انت اخترته واللى بان باللون الاصفر و تحتيه بيقولك معلوماتك اللى متسجله عند الياهوو دلوقتى هاندوس على Continue .
كده انت على الايميل عندك
وشرح الميل و مكوناته هايبقى درس تانى المهم دلوقتى اننا نعمل ايميل
وعموما البريد اللى بيجيلك بتدوس على inbox علشان تشوفه زى المكان اللى فى الصوره دى.
*دا كان شرح اذاى نعمل ايميل على الياهوو.
الهوت ميل مش هايختلف كتير برده بندخل على الموقع الاساسى http://www.hotmail.com/
وبندوس على Sign up وهانلاقيه طالب نفس المعلومات تقريبا زى الياهوو و ان كانت ققل شويه
نيجى لل Gmail أظن حفظنا خلاص www.gmail.com
Sign up و ندب المعلومات بتاعتنا ...


*طيب انا ليه اعمل ايميل على الموقع دا ولا دا ولا دا ؟
لأن فى برامج زى ما قولنا مش هاينفع اسجل فيها الا اذا كان عندى ايميل على الموقع الخاص بيها وليه لأ ؟ أى ايميل خدمه مجانيه على المواقع دى يعنى مش هاياخد أكتر من 3 او 4 دقايق من وقتك . وياريت لو نتدرب دلوقتى على الدرس علشان ما ننساهوش ..

دا درس اذاى أعمل ايميل يا ريت لو حد عنده استفسار يبعتهولى كتعليق علشان كله يستفاد ,وعلى فكره انا عارف ان فى ناس كتير بتعرف اذاى تعمل ايميل بس برده فى ناس ما تعرفش اذاى تعمله .
احنا هنا بنتعلم من الاول خالص و الاساسيات اللى ان شاء الله هانميها سوا لأنى كذا مره اشوف اكتر من واحد بيطلب من حد انه يعمله ايميل و انا هاحاول على قدر الامكان انى اكتب دروس كتير تعليميه هنا أكتر .
وشكرا لوقتكم ...

10 تعليقات:

غير معرف يقول...

ياخي تسلم عل الشرح الذي قدمته وهوا مفيد جداً ولاكن كيف اصمم بريد اكتروني لني عندم ادخل في منتد يطلبون مني بريد اكتروني ولاكني اكتب اسم ايميلي ولا ينفع وارجو زيارتي علا ايميلي وهو rbya_2007

Yasser Abo El Ella يقول...

العفو أخى
انت ما قلتليش انت ايميلك دا هوت ميل ولا ياهوو ولا جى ميل ولا تابع لأى موقع ؟
ثانيا لو بيطلبوا منك الايميل و بتكتبه زى ما كتبته كده هنا يبقى أكيد غلط
لازم تكب الايميل كده

all_ofall@yahoo.com

لازم علامه ال@ و الموقع التابع ليه الايميل

ولو بتكتب الايميل صح بعد ما تشترك اذهب لإيميلك هاتلاقى ايميل من المنتدى افتحها و دوس على اول لينك فيها هاتلاقيك دخلت و أكتيفت الأكونت بتاعتك على المنتدى
ولو فى اى استفسار تانى دى ايميلى على الياهوو تقدر تكلمنى عليها

all_ofall@yahoo.com

غير معرف يقول...

اريد معرفة انشاء ايميل على سكاى بى

Yasser Abo El Ella يقول...

أخى العزيز, يوجد بالمدونة بالفعل طريقة عمل حساب على برنامج السكايب, و يمكنك مشاهدة كل الدروس من الأرشيف أو فئات الدروس.
وهذا عنوان درس السكاى:
http://ana-3rby.blogspot.com/2008/03/skype.html
شكراً

غير معرف يقول...

انت قلت ازاى اعمل ايميل على Yahoo طيب فين بقى على Google

Yasser Abo El Ella يقول...


لقد قمت بشرح الياهوو و قلت انه لا يختلف الكثير عن الايميلات الاخرى سواء الهوت ميل او الجيميل.ولذلك اكتفيت بشرح الياهوو.

غير معرف يقول...

اناملقتش اسمى اعمل اه وماجتش اى رسالةاخى انا قمت بكل شىء ودخلت على yahoo

غير معرف يقول...

ياخي تسلم عل الشرح الذي قدمته وهوا مفيد جداً ولاكن كيف اصمم بريد اكتروني لني عندم ادخل في منتد يطلبون مني بريد اكتروني ولاكني اكتب اسم ايميلي ولا ينفع وارجو زيارتي علا ايميلي وهو NEXT_STORY2000

غير معرف يقول...

السلام عليكم أخي الكريم .. لك كل الشكر على هذه المدونه الرائعه لي سؤال بما أني مبتدأه طبقت أول الدروس وهي البريد الإلكتروني وحاولت إنشاءه على الهوت ميل ولكن لم ينجح لأنه يطلب جميع البيانات من أسماء إلى الدول والمناطق وبريد إلكتروني بديل وهذه الأخيره ذكرت أنت خلال الشرح أنه يمكن عدم كتابتها فهل يمكنني عدم البوح بجميع التفاضيل عني أو إعطاء تفاصيل غير حقيقيه .. لي ملاحظات إن أحببت أن تأخذ بها وهي إزدحام الصفحه بكثير من الأشياء من إعلانات وصور وغيره مما تسبب ضياع الوقت عند البحث عن شئ معين والشرح من خلال الفيديو غير واضح من النافذه وإن كان هناك تطبيق مباشر للمتعلم مع الشرح يكون جيد جدا ... وجود بعض الحكم والأقوال جميل ..لك العذر إن لم يتوفر لك الوقت للرد كما أن الدرس منذ سنتين لكل يبقى لدي أمل للمتابعة من قبلك أخي الكريم ليتعلم أكبر قدر من الناس كما تردد أنت ... شكرا

غير معرف يقول...

بسم الله الرحمن الرحيم شكرا على المجهود الرائع

by TemplatesForYou-TFY
SoSuechtig